Sparnaðarráð Hrafnhildar Ólafsdóttur sem hún deilir innan hópsins Sparnaðar tips hefur vakið mikla athygli og telja lækin hundruðum á stuttum tíma. Hrafnhildur hefur verið iðin við að deila ráðum með öðrum grandvörum neytendum en hún er ekki frá því að þetta ráð sé það besta hingað til.
„Enn sparnaðarráð ársins eða ef ekki bara aldarinnar er að horfast í augu við eigin neyslu og eyðslu! Eins og ég hef deilt hér síðustu vikur þá tók ég janúar 2021 mjög föstum tökum þegar að kom að matarinnkaupum og árangurinn er ótrúlegur! Ég er sem sagt búin að fara síðustu búðarverðina þennan mánuðinn nema ég reikna með að kaupa 6L mjólk á fimmtudaginn,“ segir Hrafnhildur í gær þegar vika var til mánaðamót.
Hún ákvað að bera mánuðinn saman við októbermánuð, sem hún taldi hafa verið dýran. „Ég hafði valið mér október 2020 sem samanburðarmánuð, fannst hann vera dýr svo til viðbótar tók ég í dag saman jan 2020, og sept 2020. Ég fékk næstum hjartaáfall. -Ég hélt í alvöru að okt 2020 hefði verið verstur! Enn það var ekki þannig! Ég versla með meðvitund núna, nýti betur og ætla að lofa sjálfri mér að halda þessu áfram! Ég versla með meðvitund núna, nýti betur og ætla að lofa sjálfri mér að halda þessu áfram!,“ segir Hrafnhildur og vísar til myndarinnar af excel-skjalinu hér fyrir ofan.
Hún segist janúar ekki hafa verið verri mánuði en hinir. „Við liðum engan skort í janúar, gengum á skápabyrgðar, enn það voru líka alveg tvær ferðir á Dominos, ein stór burger og franskar á N1, einu sinni út að borða og nokkrar bakarísferðir. Sem sagt ekkert í okkar daglega lífi var öðruvísi enn það að ég tók þetta föstum tökum! Ég bæði skammast mín ofan í tær að hafa misst tökin svona og er á sama tíma ótrúlega stolt og ánægð með það hvað matseðlaplanið var auðvelt.“
Athugasemdir