Pétur bólusettur með Spútnik V í Rússlandi í gær: „Treysti Rússunum alveg ljómandi vel“

Pétur Óli Pét­urs­son leið­sögu­maður var í gær spraut­aður með Spútnik V bólu­efn­inu hinu rús­senska gegn Covid-19. Í dag er hann stál­sleg­inn og ber fullt hann fullt traust til heima­manna þegar kemur að bólu­efnum.

„Þegar maður er kom­inn á þennan aldur þá er heilsan bara númer eitt. Þess vegna ákvað ég að ganga inn á heilsu­gæsl­una í gær og fá spraut­una. Ég finn bara ekk­ert fyrir þessu í dag,“ segir Pétur í sam­tali við Mannlíf. Hann er ríf­lega sjö­tugur að aldri og hefur verið lengi búsettur í St. Pét­urs­borg.

Pétri finnst verst að mega bara drekka vatn næstu daga vegna spraut­unnar.

Aðspurður segir hann hvergi hafa hikað varð­andi það að þiggja bólu­efnið rúss­neska. „Nei, það held ég að sé algjör óþarfi. Enda eru nú að ber­ast hinar bestu fréttir af 92 pró­sent virkni bólu­efn­is­ins. Ég treysti Rússunum bara alveg ljóm­andi vel fyrir þessu og ég hafði engar áhyggjur af þessu. Það var engin bið, frá­bær þjón­usta,“ segir Pétur.

Eins og áður sagði fékk Pétur fyrri spraut­una í gær og þarf svo að fá síð­ari spraut­una síðar í mánuðnum. Að hans mati er hið eina slæma við að hafa nú veirð bólu­settur fyr­ir­mælin eftir spraut­una. „Þarf nú að taka það aðeins rólega og ekki dropa sterkara en blá­vatn næstu þrjá dag­ana,“ segir Pétur kím­inn.