Dótabúðin Kids Coolshop Ísland selur typpakodda í mörgum litum – Brúni að verða uppseldur

Íslenska leik­fanga­versl­unin Kids Coolshop Ísland selur þrjár gerðir af risa­stórum mjúkum púða­typpum. Púðarnir kall­ast Pierre the Penis og eru aug­lýstir afar mjúkir við­komu.

Dóta­búðin er ein sú stærsta á land­inu en hún kom í stað Toys´r´us versl­un­ar­innar á Smára­torgi. Norð­lend­ingar geta hins vegar líka tryggt sér ein­tak því útíbú má finna á Gler­ár­torgi. Þá er hægt að panta vör­una í gegnum heima­síðu versl­un­ar­innar en þá þarf dálítið að bíða eftir limnum því send­ing­ar­tím­inn er á bil­inu 7-14 virkir dagar.

Typpapúð­arnir eru metri á hæð og koma í þremur mis­mun­andi litum: Brúnum, gulum og bleikum. Í lýs­ingu vör­unnar á heima­síður leik­fanga­versl­un­ar­innar er Pierre the Penis lýst með eft­ir­far­andi hætti:

ATH! Sá brúni er alveg að verða upp­seldur.

Á verf­síðu Kids Coolshop Ísland má sjá að brúni typpa­kodd­inn er alveg að klár­ast og því fer hver að verða síð­astu til að tryggja sér ein­tak. Þeir sem vilja drífa sig í að fá brúna bangsalim­inn geta gert það hér. Brúna typpið kostar 10.999 krónur.

Svo virð­ist sem meira sé til af bæði gulum og bleikum typpa­koddum. Skýr­ingin á því gæti verið sú að þeir eru aðeins dýr­ari eða 12.999 krónur stykkið. Taka verður fram að þó varan sé seld í leik­fanga­versl­un­inni og á síðu hennar flokk­ast þetta undir lífs­stílsvarn­ing og keðjan segir vör­una til­valda sem gjöf fyrir val­ent­ínus­ar­dag­inn.

Fyr­ir­sæta dóta­búð­ar­innar er á óræðum aldri en hér myndar hún sig með bleika kodd­anum.

Anna Herman­sen, kynja­fræð­ingur og ráð­gjafi hjá Stíga­mótum, upp­lifði dep­urð þegar Mannlíf bar þessa vöru og mark­aðs­setn­ingu undir hana. Hún segir hér fátt annað á ferð­inni en normalís­er­ingu klám­væð­ingar og jafn­vel barna­girnd. „Þetta er nátt­úr­lega mjög dap­urt. Líklega klóra þeir í bakk­ann með því að merkja þetta ein­hvers konar val­ent­ínus­ar­gjöf. Stúlkan sem aug­lýsir vör­una er á óræðum aldri, hún gæti verið tólf ára eða þess vegna sextán. Svo fannst mér myndin þar sem hún liggur uppi í rúmi með bók­ina mest slá­andi því hún und­ir­strikar hvað er verið að vísa til. Eig­in­lega alveg magnað. Myndefnið sjálft er ekki bara á gráu svæði heldur bara svaka­legt. Okkur brá við að sjá þetta,“ segir Anna.

Það vakti athygli Önnu að fyr­ir­sætan liggur með lim­inn uppi í rúmi og er að glugga í bók sem ber tit­il­inn „Huge Penis“.

Ólafur Hrafn Hall­dórs­son, fram­kvæmda­stjóri Kids Coolshop Ísland, svarar því til að umræddir koddar séu í raun ekki til sölu hjá íslensku versl­un­inni heldur séu það frændur okkar Danir sem selji þá í gegnum vöru­hús sitt og net­verslun. Hann segir að kodd­arnir komi því aldrei til með að birt­ast undir leik­fanga­flokkum búð­ar­innar hér á landi. „Því er leik­fanga­versl­unin KiDS Coolshop Iceland ehf. ekki að selja umrædda vöru heldur danska fyr­ir­tækið Coolshop sem rekur net­verslun sem við birtum vörur okkar einnig á. Vin­sam­leg­ast hafðu sam­band við Coolshop úti til að ræða umrædda vöru,“ segir Ólafur.

Fréttin hefur verið upp­færð.