Frábærar fréttir af bata Guðmundar Felix – Fékk loksins að hitta mömmu

Guð­mundur Felix Grét­ars­son, sem sjálfur kallar sig hand­hafa í dag eftir að á hann voru græddir nýir hand­leggir á dög­unum, hefur góðar fréttir að færa í dag af gangi mála. Hægt og rólegar virð­ast hend­urnar vera að ganga í gegnum umskipti og mynda nýja húð.Guð­mundur birtir af þessu myndir af Facebook-síðu sinni þar sem hann er dug­legur að leyfa fylgj­endum sínum fylgj­ast með bata­ferl­inu. Í dag segir hann:

Þessa mynd birti Guð­mundur Felix meðal ann­ars í dag.

„Umbreyt­ing. Hægt en örugg­lega eru hend­urnar að fletta af sér sínum gömlu ein­kennum og nýtt skinn er að koma í ljós.“Þau ljúfu tíð­indi færði Guð­mundur Felix líka í dag að hann fékk loks­ins að hitta móður sína, Guðlaugu, í aðeins annað sinn eftir aðgerð­ina. Það var einmitt hún sem gladdi hann nýlega með

íslenskri kjöt­súpu og skúffuköku

með kaldi mjólk. Hann von­ast til þess að geta líka fengið að hitta föður sinn um næstu helgi.

Því miður var útlit fyrir að lík­ami Guð­mundar Felix Grét­ars­sonar sé byrj­aður að hafna hönd­unum sem voru ágræddar á hann. Hann bað Íslend­inga nýlega um að ótt­ast hvergi því slík höfnun sé algeng og nú er hann í lyfja­með­ferð vegna hennar. Tíðindi dags­ins frá Guðmundi eru því afar góð.

Sjá einnig: Bakslag hjá Guðmundi Felix – Líkaminn byrj­aður að hafna hönd­unum

„Ég er mjög glaður með árang­ur­inn. Þetta er ekk­ert til að hafa áhyggjur af,“ segir Guð­mundur Felix í mynd­bandi sem hann birti á Facebook-síðu sinni fyrir skömmu.

Eins og sjá má er ný húð byrjuð að mynd­ast á höndum Guð­mundar.

Guð­mundur Felix er sá fyrsti í heim­inum til að fá grædda á sig hand­leggi ann­ars manns og var það gert nákvæm­lega 23 árum eftir að hann missti báða hend­leggi sína í slysi. Nýlega birti hann myndir af hönd­unum sem lík­am­inn er nú byrj­aður að hafna.

Sjá einnig: Guð­mundur Felix sýnir hand­legg­ina í fyrsta sinn án umbúða – Myndir ekki fyrir við­kvæma

Guð­mundur Felix upp­lýsir fylgj­endur sína á Facebook reglu­lega um stöðu mála eftir aðgerð­ina. Fyrir klukku­stund birti hann mynd­band þar sem hann greinir frá því að fyrir tveimur dögum tóku læknar eftir merkjum um höfnun lík­am­ans á nýjum hand­leggj­unum. Guð­mundur biður fólk ekki að ótt­ast.