Bergþór segir Ingu hafa blokkað sig: „Sérstakt að formaður stjórnmálaflokks þoli ekki gagnrýni“

Vara­for­maður Öryrkja­banda­lags Íslands, Bergþór H. Þórð­ars­son, seg­ist enn vera blokk­aður af Ingu Sæland á Facebook. Hann segir hana hafa lokað á sig eftir að hann gagn­rýndi mál­flutn­ing hennar fyrir fjórum árum. Þetta hlýtur að telj­ast óheppi­legt í ljósi þess að Inga hefur oft talað sem málsvari öryrkja.

Bergþór rifjar þetta upp á Facebook og deilir innan Pírata­spjalls­ins en akkúrat fjögur ár eru liðin síðan hann gagn­rýndi Ingu fyrir að blanda saman mál­efnum hæl­is­leit­enda og öryrkja. „Fyrir þessi skrif (gagn­rýni) upp­skar ég blokk frá Ingu Sæland. Veit um nokkra fleiri sem mót­mæltu henni og voru blokkuð í kjöl­farið. Jafnvel fólk sem var mun mild­ari í mál­flutn­ingi sínum,“ segir Bergþór.

Hann segir furðu­legt að for­maður stjórn­mála­flokks blokki fólk sem gagn­rýni mál­flutn­ing þess. „Fjórum árum seinna er ég enn blokk­aður af henni (sem er pínu hvim­leitt núna þegar ég er orð­inn vara­for­maður ÖBÍ). En það er alfarið hennar mál. Mér þykir það samt enn mjög sér­stakt að for­maður stjórn­mála­flokks þoli ekki gagn­rýni,“ segir Bergþór.

Hann segir verra að enn trúi margir því flótta­fólk hafi það betra en öryrkjar. „Það sem er sorg­leg­ast af þessu er að það er ennþá ótrú­lega margt fólk þarna úti sem enn trúir þess­ari mýtu um að umsækj­endur um alþjóð­lega vernd hér á landi hafi það svo gott og að þau fái meiri stuðn­ing heldur en öryrkjar, aldr­aðir, og annað fólk í fátækt á Íslandi. Eftir því sem ég best kemst að þá eru ennþá, fjórum árum seinna, að mestu sömu reglur í gildi og sami stuðn­ingur. Með öðrum orðum þá hefur upp­hæð fæðis- og vasa­pen­inga til hæl­is­leit­enda ekk­ert hækkað á síð­ast­liðnum fjórum árum.“