Skjálftarnir smjúga inn í sálartetrið – „Ég sofna afar seint og vakna svo allt of snemma”

Björn Birg­is­son, sam­fé­lags­rýnir og Grind­vík­ingur, segir stans­lausa skjálfta hafa tals­verð áhrif á sál­ar­lífið. Hann lýsir þessu á Facebook og segir stans­lausa skjálfta hafa lúmsk áhrif á mann.

„Þreyta. Allir þessir jarð­skjálftar! Hægt og bít­andi smjúga þeir inn í sál­ar­tetrið. Stærri skjálft­arnir – yfir 3 á Richterskvarðanum – koma allir eins og óþægi­leg högg hérna – við erum svo nálægt upp­tök­unum.Síðan koma þeir minni,  eins og til að halda okkur stöðugt við efnið, en á þessu svæði nemum við þá flesta,” segir Björn.

Hann seg­ist eiga erfitt með svefn í þessu ástandi. „Ekkert upp­rof, engin hvíld frá þessu og móðir jörð gerir engan grein­ar­mun á nóttu og degi hvað þetta varðar. Dagarnir taka mið af þessu – næt­urnar líka. Ég sofna afar seint og vakna svo allt of snemma. Sól­ar­hring eftir sól­ar­hring. Næt­ur­svefn­inn gæti að með­al­tali verið á bil­inu 4 til 5 tímar,” lýsir Björn.

Hann seg­ist til að mynda ekki hafa vaknað við vekjara­klukku í morgun. „Vaknaði rétt fyrir 9 í morgun – ekki við neinn hefð­bund­inn vekjara – heldur dúnd­ur­skjálfta sem batt snöggan endi á um 5 tíma svefn. Svona er þetta sól­ar­hring eftir sól­ar­hring. Auðvitað safn­ast upp þreyta, en ég á því láni að fagna að þurfa ekki að mæta reglu­lega til vinnu. Á meðan þessi orð voru hripuð niður hafa ekki færri en sjö skjálftar smeygt sér inn í vit­und­ina og það er nokkuð ljóst að þar er ekki enda­laust pláss fyrir þessa dynti í nátt­úr­unni.”