Sex barna faðir fagnar frelsinu: Presturinn kom Guðna í flug heim til Íslands

„Að hafa „bara verið fylli­bytta“, kemur í huga minn, þennan dag 10.3.2021. Neyslan byrjar á 15. árinu á Þjóð­há­tíð í Eyjum.“

Svona byrjar ein­læg frá­sögn Guðna Friðriks Gunn­ars­sonar um bar­áttu sína við Bakkus inni á síðu góð­gerða­sam­tak­anna Það er Von. Samtökin styðja fólk með fíkni­sjúk­dóma og aðstand­endur þeirra.

Guðni sem kemur frá Vest­manna­eyjum, seg­ist koma úr með­virku og alkó­hól­ísku umhverfi. Neysla hans jókst hratt eftir að hann flutt­ist til Reykja­víkur til að stunda nám við Mennta­skól­ann í Reykja­vík. Ein­kunnir Guðna fóru hratt niður á við og svo fór að hann féll á stúd­ents­prófi sínu og þurfti að end­ur­taka loka­árið.
Á þeim tíma var Guðni far­inn að vinna með skól­anum og einnig kom­inn í sam­búð. „Og djam­mið bara jókst,“ fimmtu­dag til sunnu­dag var hann mættur á klúbbana.

Árið 1981 þótti þáver­andi eig­in­konu Guðna og fjöl­skyldu hans nóg komið. Hann mætti á einn fund í Rauða hús­inu: „Það leið ár þangað til ég fór aftur á fund, búinn að missa stjórn­ina algjör­lega, bíl­prófið farið.“
Guðni fór á Sogn og náði tæpu ári „á hnef­anum,“ eins og hann orðar það áður en hann féll aftur.

Hann starf­aði við að skipu­leggja ferðir utan­lands og var því oft erlendis. En það var ekki eina vinnan hans: „Þetta gekk svona í nær 12 ár, 100% vinna við að skipu­leggja neysl­una,“ segir Guðni.
Í lok árs­ins 1992 seg­ist hann hafa verið kom­inn upp að vegg, en þó ekki hafa náð botn­inum. Það árið var hann fullur um jólin í fyrsta og eina skipti ævi sinnar.
Í febr­úar þar á eftir fór hann í vinnu­ferð til Lundúna, en þá seg­ist hann hafa verið búinn að missa alla stjórn. Guðni mætti ekki til vinnu, en yfir­maður hans þar ytra hafði áhyggjur af honum og fékk aðstoð prests í Lundúnum til að sækja hann á hót­elið. Prest­ur­inn kom Guðna í flug heim til Íslands með þeim fyr­ir­mælum til starfs­fólks flug­fé­lags­ins að ekki mætti renna af honum, svo slæmt var lík­am­legt ástand hans orðið.

Þegar heim var komið til­kynnti þáver­andi eig­in­kona Guðna honum að hún vildi skilnað. Í kjöl­farið fór hann inn á Vog, síðan á Vík, en fór viku áður en með­ferð lauk: „Siggi vinur minn sagði mér að fara út og reyna að koma skikkan á mín mál. Seinna sagði hann mér að hann hefði gefið mér korter niður í Mos­fellsbæ og þá yrði ég dott­inn. Þetta korter stendur enn, mér til mik­illar gæfu.“

For­eldrar Guðna komu frá Vest­manna­eyjum að sækja hann og segir hann það hafi verið sín gæfa í líf­inu: „En það var skrítið að vera kom­inn heim til pabba og mömmu 40 ára gam­all.“

Guðni seg­ist hafa ánetj­ast AA í eyjum og svo fljót­lega kynnst kon­unni sinni sem hefur nú verið stoð hans og stytta í nær 28 ár ásamt stelp­unum hennar þremur, sem síðar urðu kjör­dætur hans að þeirra eigin ósk.
Hægt og rólega seg­ist Guðni einnig hafa náð blóð­börnum sínum til sín aftur. En nú á hann sex börn, sjö barna­börn og fleiri á leið­inni.

„Einn dag í einu hefur þetta runnið frekar hratt í gegn, ynd­is­legt líf, ekk­ert gerð­ist fyrr en ég fór að hlusta og taka leið­sögn. Verið í þjón­ustu og stutt aðra.“