KKÍ felldi tillöguna. Stelpur og strákar mega ekki keppa innbyrðis

Tillaga UMFK um að kynja­blanda í keppni upp í 9. flokk var felld á árs­þingi KKÍ nú fyrr í dag. Kosið var um tvær breyt­ing­ar­til­lögur og voru þær báðar felldar ásamt upp­runa­legri til­lögu UMFK.

Karfan.is greinir fyrst frá.

Skiptar skoð­anir voru á til­lög­unni en sam­kvæmt körf­unni báðu margir um orðið. Ein­hverjir gerðu athuga­semd við að til­lagan væri óbreytt frá síð­asta þingi og spurt hví hafi ekki verið unnið með til­lög­una á milli þinga.

Aðrir voru hlynntir til­lög­unni og bentu á að kynja­blönduð keppni hafi tíðkast víða í gegnum árin og væri hjá fámenn­ari liðum for­senda fyrir því að ná í lið.

Sjá einnig: „Nið­ur­lægj­andi fyrir stráka að tapa fyrir stelpum?“

Upp­runa­leg til­laga UMFK sem var felld var svo hljóð­andi:

„Móta­nefnd KKÍ get­ur leyft keppni liðs í Íslands­móti sem er ann­að­hvort kynja­blandað eða skipað leik­mönn­um af gagn­stæðu kyni frá minni­bolta 10 ára upp í 9. flokk. Slíkt leyfi verður aðeins veitt ef fé­lag sem ósk­ar eft­ir að senda slíkt lið til keppni hef­ur sent inn rök­stutt er­indi til móta­nefnd­ar þar sem fé­lagið hef­ur rök­stutt með full­nægj­andi hætti að mati móta­nefnd­ar að ástæða sé til að veita slíkt leyfi að teknu til­liti til meðal ann­ars getu og/​eða fram­þró­un­ar liðs og/​eða leik­manna sem sótt er um fyr­ir. Ef sótt er um slíkt leyfi fyr­ir lið geta leik­menn þess al­mennt ekki keppt bæði í flokki karla og kvenna en þó er það mögu­legt ef um er að ræða til­færslu á ein­stök­um leik­mönn­um á milli liða. Blönduð lið eða lið af öðru kyni geta keppt á öll­um mót­um í til­tekn­um flokki nema í úr­slita­mót­um þar sem end­an­lega er keppt um Íslands­meist­ara­titil. Hafi slíkt lið áunnið sér sæti á slíku móti skal færa upp það lið sem næst kem­ur að stig­um fyr­ir úr­slita­mót. Leyfi móta­nefnd­ar sam­kvæmt fram­an­greindu tek­ur ekki til keppni í Bik­ar­keppn­um KKÍ.”

Önnur breyt­ing­ar­til­lagan lagði til að heim­ilt yrði að keppa með kynja­blandað eða skipað leik­mönnum af öðru kyni frá mini­bolta 10 ára upp í 9. flokk. Leikmenn þessir gætu þó ekki keppt bæði í sama ald­urs­flokki drengja og stúlkna.

Breiða­blik lagði einnig fram breyt­ing­ar­til­lögu að miðað yrði við 7. flokk í stað 9. flokk.

Eins og fyrr sagði voru báðar breyt­ing­ar­til­lög­urnar felldar.