Gunnar Smári fokillur vegna fisksvindls á veitingastöðum – „Þegar ég hef spurt er fátt um svör“

Gunnar Smári Egilsson, stofn­andi Sós­í­alista­flokks­ins, á varla til orð fyrir svindli íslenskra veit­inga­staða. Nærri helm­ingur stað­anna ber fram annan fisk en aug­lýstur er á mat­seðli.

Þetta kemur fram í könnun meðal Evr­ópu­þjóða sem Gunnar Smári gerir að umtals­efni í færslu á Facebook. Nið­ur­stöður sýna að 48 pró­sent veit­inga­staða svindla á kúnnum sínum með því að fram­reiða annan fisk en aug­lýst er. Þetta segir Gunnar Smári:

„Þarna kemur fram að í einni könnun reynd­ust íslenskir veit­inga­staðir svindla einna mest á kúnn­anum, selja þeim ódýr­ari fisk sem dýr­ari. Við erum á toppnum (eða botn­inum, öllu heldur) með Spáni, Finn­landi og Þýska­landi. Annars dregur þessi frétt fram að fisk­sala er villtur mark­aður þar sem svindlað er frá löndun að mark­aði, frá mark­aði að fisk­vinnslu og birgja, frá búð og veit­inga­stöðum að almenn­ingi.“

Stefán Pálsson sagn­fræð­ingur. Mynd / Skjáskot RÚV.

Sagn­fræð­ing­ur­inn Stefán Pálsson bendir á að svip­aða sögu sé að segja af steik­ar­stöðum lands­ins. „Nauta­kjötið sem þú færð á íslenskum veit­inga­stað er mjög lík­lega frá Rúmeníu. Reyndar gæti það verið öllu verra því Rúmenía þykir nokkuð gott kjöt­fram­leiðslu­land, en selj­end­urnir þora samt ekki að setja það á mat­seð­il­inn,“ segir Stefán.

Hjalti nokkur kemur með lausn­ina á þessu svindli í fisk­sölu. „Asíubúar kaupa fisk bara með haus og öllu svo þeir viti hvað þeir eru að kaupa, líka hægt að sjá mikið um með­ferð­ina á haus og augum,“ segir Hjalti.

Meðlimir í Facebook-hópnum Bakland ferða­þjón­ust­unnar ræða líka svindið á veit­inga­stöð­unum. Haraldur er einn þeirra. „Því fer fjarri að ég sé blind­aður af Íslandi en ég er hissa. Ég trúi varla að mat­reiðslu­meist­arar lands­ins eins og t.d. í Vest­manna­eyjum og öðrum útgerð­ar­þorpum lands­ins stundi svona vöru­svik,“ segir Haraldur.

Atli hefur upp­lifað þetta á eigin skinni. „Fiskur og franskar… margir veit­inga­staðir á hring­veg­inum eru að versla með fisk sem hefur verið for­steiktur ein­hvers­staðar í útlöndum….túrist­arnir halda að þeir séu að kaupa íslenskan fisk en hann gæti allt eins verið Rússa fiskur sem er þýddur upp og brauð­aður í Kína og seldur um víða ver­öld sem gæða fiskur en er þurr og bragð­lít­ill….þegar ég hef spurt hvaðan fisk­ur­inn er þá hefur orðið fátt um svör,“ segir Atli.

Topp 10 list­inn yfir þau lönd sem svindla mest á veit­inga­stöðum: