Páll er látinn: „Áður en hann dó þurfti hann að vita hvernig United-leikurinn fór“

Páll G. Guð­munds­son er lát­inn, tæp­lega átt­ræður að aldri. Hann lést á heim­ili sínu í fyrra­dag eftir erfið veik­indi.

DV greindi frá and­lát­inu og fer yfir stórt hlut­verk KR í lífi Páls. Hann starf­aði lengi sem vél­fræð­ingur og með­fram vinnu sinni varði hann ómældum tíma í félags­starf hjá knatt­spyrnu­fé­lag­inu. Hann vann ötul­lega að dóm­ara­málum og upp­bygg­ingu meist­ara­flokks kvenna í knatt­spyrnu.

Blessuð sé minn­ing Páls.

„KR var númer eitt tvö og þrjú,“ sagði Ásta Jóns­dóttir, eft­ir­lif­andi eig­in­kona Páls, í sam­tali við DV. „Það sem kom honum alltaf í gott skap var að fjöl­skyldan væri hér öll saman komin og þegar KR vann. Það sem kom honum síðan alltaf í vont skap var þegar KR tap­aði.“

Það var hinsta ósk Páls að fá að deyja hérna heima hjá sér, að vera í sínu umhverfi „Kvöldið áður en hann dó þurfti hann að vita hvernig United-leik­ur­inn fór. Hann Palli var svo mik­ill húmoristi og hann hélt í húmor­inn fram á síð­ustu stundu. Við fengum mörg skondin til­svör frá honum alveg fram á næst­síð­asta klukku­tím­ann. Hann var alltaf svo lífs­glaður og hann var skýr í hugsun alveg fram á síð­ustu stundu,“ segir Ásta.