Hlegið að spjallmenni Ferðamálastofu: „Hvar er Gullfoss? – Hvar er hvað?“

Sóley, spjall­menni Ferða­mála­stofu, hefur orðið sér að athlægi fyrir að geta hvorki svarað spurn­ingum um stofn­un­ina né ferða­lög inn­an­lands. Fjörug umræða fór fram um málið í fjöl­mennum hópi ferða­þjón­ust­unnar á Facebook.

Mörg fyr­ir­tæki eru farin að nýta sér svo kölluð spjall­menni á vef­síðum sínum. Spjall­menni er róbóti sem á að geta gefið svör við spurn­ingum tengdum starf­semi og þjón­ustu hvers og eins fyr­ir­tækis. Þetta á að koma til móts við við­skipta­vini þar sem spjall­mennið er við störf allan sól­ar­hring­inn og því hægt að leita sér upp­lýs­inga utan opn­un­ar­tíma.

Spjall­mennin virka hins vegar mis vel og eru mis lengi að læra.

Ansi skraut­legar umræður sköp­uð­ust í kjöl­far myndar sem Jón nokkur deildi af svörum Sóleyjar, spjall­mennis Ferða­mála­stofu.

Mörgum þótti þetta ansi fyndið, þó starfs­mönnum Ferða­mála­stofu hafi mögu­lega ekki verið jafn skemmt: „Ég skal gera mitt besta til að svara spurn­ingum um starf­sem­ina okkar.“ Veit ekki til þess að Gullfoss teng­ist sér­stak­lega starf­semi Ferða­mála­stofu,“ svarar Ferða­mála­stofa.

Ferða­mála­stofu er svarað: „Hvað teng­ist starf­semi ykkar ef ekki fjöl­förn­ustu ferða­manna­staðir lands­ins?“

Einnig skrifar maður að nafni Ársæll: „Obbosi. Passa sig að svara ekki fyrir hönd opin­bers batt­erís eftir kvöld­mat. Og alls ekki í þjósti. Ætli ein­hver hafi gleymt að passa að svara í eigin nafni og óvart kommentað fyrir hönd vinnu­stað­ar­ins?“

Ársæli er svarað um hæl: „Sæll Ársæll, það var ég sem svar­aði fyrir hönd Ferða­mála­stofu áðan og það var alger­lega vilj­andi að gera það með þeim hætti.“

Jón, sem birti mynd­ina svarar starfs­manni Ferða­mála­stofu: „Ég segi nú bara eins og meist­ari Bríet; Raaaa­hó­legur kúreki…!  Þetta var nú bara létt glens á fimmtu­dags­kvöldi.“

Í kjöl­far mynd­birt­ing­ar­innar fékk Sóley að spreyta sig á hinum ýmsu spurn­ingum sem henni gekk mis vel að svara.

Margir tóku þátt í umræð­unni, þar á meðal annar starfs­maður Ferða­mála­stofu sem skrif­aði: „Hefðirðu hringt og spurt Sóleyju sömu spurn­ingar?“

Honum er svarað: „Sóley er hönnuð með það að mark­miði að starfs­fólk Ferða­mála­stofu þurfi ekki að svara í sím­ann. Ef þú rennir yfir þráð­inn og skoðar skjá­skotin þá virð­ist spjall­mennið ekki geta svarað einni ein­ustu spurn­ingu um starf­semi stofn­un­ar­innar sem að því er beint svo ætli sé ekki best að hringja eftir allt saman? “

Starfs­mað­ur­inn svarar: „ Ef þú trúir því raun­veru­lega að þetta séu einu spurn­ing­arnar sem hún fær þá skil ég vel að þú viljir frekar hringja. Þér er vel­komið að gera það. Þeir sem fá svör við spurn­ingum sínum í sam­skiptum við Sóleyju sjá þó vænt­an­lega ekki ástæðu til þess…“

Ferða­mála­stofa skrifar athuga­semd til Jóns sem setti inn mynd­ina: „Við á Ferða­mála­stofu erum að bæta þjón­ustu okkar með að inn­leiða sjálf­virka svörun. Fór í loftið í dag. Getur vissu­lega ekki svarað öllu en það kemur með tím­anum. Það eru svona tækni­lausnir sem ferða­þjón­ustan þarf á að halda. Er þín ferða­skrif­stofa að reyna svona lausnir Jón?“

Jón svarar: „Nei, ég er of upp­tek­inn við að berj­ast í því að lækka trygg­ing­ar­skyldu fyr­ir­tæk­is­ins míns og standa skil á öllum kröfum sem Ferða­mála­stofa setur því.“

Allir virð­ast þó hafa róast þegar líða tekur á sam­skiptin og þakkar starfs­maður Ferða­mála­stofu fyrir þráð­inn og segir að öll end­ur­gjöf nýt­ist við að bæta Sóleyju og gera hana vitr­ari.