„Ég var að refsa sjálfri mér“ – Andrea stundar enn meðferð þó hún geti næstum ekki fitnað

Andrea Ævars­dóttir sem hefur glímt við mat­ar­fíkn í ára­tugi. Þyngst var hún 135 kíló. Hún fór í fyrra í maga­að­gerð og hefur síðan lést um 50 kíló. Í við­tali við Mannlíf seg­ist hún enn fara í með­ferð þó geti varla fitnað mikið.

„Ég fór fyrst í með­ferð til að vinna úr áföllum en eftir aðgerð­ina var meira farið í að vinna með sjálfs­mat mitt af því að sterkt sjálfs­mat gefur manni meiri vilja­styrk. Við fórum til að mynda að vinna með rang­hug­myndir tengdar mat og erum svo­lítið í þeirri vinnu. Ég er núna á alveg þokka­lega góðum stað varð­andi þessar rang­hug­myndir gagn­vart mat en áður fyrr skipti ég mat svo­lítið í „góðan“ og „vondan“ – „góður“ matur var til dæmis græn­meti og mag­urt kjöt en „vondur“ matur voru til dæmis kart­öflur, hrís­grjón, brauð, sæl­gæti og pasta. Og ég fékk sam­visku­bit ef ég borð­aði „vondan“ mat,“ segir Andrea.

Hún seg­ist jafn­vel hafa farið svo langt að refsa sér. „Við erum búin að vinna svo­lítið í þessu. Það er allt í lagi að fá sér hrís­grjón með matnum; ég er ekki að gera neitt rangt. Ég er ekki að brjóta af mér þó ég fái mér hrís­grjón með matnum því ég var pínu komin þangað. Og ég var líka komin í það að ég var að refsa sjálfri mér fyrir það að hafa borðað eitt­hvað sem var „vondur“ matur með því að borða ekk­ert.“

Viðtalið má lesa í heild sinni hér.