Ung íslensk kona sættir sig ekki lengur við þær staðalímyndir sem hvítir íslenskir karlmenn hafa af asískum konum. Sjálf ber hún asískt útlit og hefur ítrekað orðið fyrir aðkasti á næturlífinu þar sem karlarnir virðast lít á sig sem kynlífsbrúðu.
Stúlkan segir frá upplifun sinn í færslu á Twitter. Það segir hún:
„Einu sinni sagði hvítur gæi á djamminu í downtown rvk að ég væri léleg asísk kona vegna þess að ég var ekki jafn undirgefin og asíska kærasta eldri bróður hans. Asískar konur eru miklu meira en kynlífsbrúður fyrir hvíta karla. Plís hættið að koma þannig fram við okkur,“ biður stúlkan unga.
Stúlkan segir þær staðalímyndir um asískar konur sem hér á landi ríkja vera mjög skaðlegar. „Þær hafa þær afleiðingar að hvítir karlar eiga það til að líta á okkur eins og þeir geti átt okkur og notað okkur eins og þeir vilja. Þetta er skaðlegt af því að hvítir karlar eiga til að girnast asískar konur sérstaklega vegna þess að þeir halda að við munum sætta okkur við meira ofbeldi þegjandi. Það er sérstaklega skaðlegt þegar þeir halda líka að við eigum að vera þakklátar að þeir girnist okkur yfirhöfuð, segir stúlkan og heldur áfram:„Ég er persónulega vön því að karlar reyni sérstaklega við mig út af því að ég er asísk kona (sem er ekki í lagi) en þeir „hrósa” mér td með því að segja að ég sé falleg af því að ég er svo framandi og þá örugglega miklu skemmtilegri í rúminu. Svo þegar ókunnugir karlar koma upp að manni á djamminu og það getur orðið sérstaklega gróft þegar þeir reiðast þegar maður dirfist að vilja þá ekki.“
Athugasemdir