Hrottaleg líkamsárás á Völlunum í Hafnarfirði – Tengsl við skipulagða glæpastarfsemi ósönnuð

Tveimur dögum fyrir jól árið 2011 varð hálf­þrí­tug kona á Völlunum í Hafn­ar­firði fyrir skelfi­legri lík­ams­árás.

Mis­þyrm­ing­arnar voru svo alvar­legar að fjöl­miðlar vör­uðu fólk við lýs­ingum á þeim. Mannlíf gerir slíkt hið sama.

Svo virð­ist sem um per­sónu­legan ágrein­ing hafi verið að ræða. Hann mun hafa tengst nekt­ar­myndum, mót­or­hjóli, meintum pen­inga­þjófn­aði og ásök­unum um aðgerðir gegn þroska­heftu barni.

Stig­magn­að­ist svo ágrein­ing­ur­inn með fyrr­nefndum afleið­ingum.

Uppgjörið

Einar „Boom” Mart­eins­son, leið­togi Hells Angels á Íslandi, og alræmd­ustu vél­hjóla­sam­taka heims var hand­tek­inn fyrir árás­ina ásamt fimm öðrum. Öll voru þau ákærð.  Það voru þau Andrea „vonda stelpa” Gunn­ars­dóttir, Jón Ólafsson, Elías Valdimar Jónsson og Óttar Gunn­ars­son. Voru þau ákærð fyrir sér­stak­lega hættu­lega hættu­lega lík­ams­árás, rán, nauðgun og þátt­töku í skipu­lagðri brota­starf­semi auk þess að skipu­leggja árás­ina. Enn­fremur var Grímur Sveinn Erlends­son ákærður fyrir geymlu á fatn­aði og vopnum sem notuð voru við verkn­að­inn.

Þessi deila náði svo hámarki 22. des­em­ber þegar þau héldu að heim­ili fórn­ar­lambs­ins. Óttar opn­aði úti­dyra­hurð­ina, en hann bjó um tíma í húsi fórn­ar­lambs­ins. Þess ber þó að geta að hann kom með engum hætti að árásinni sjálfri. Þetta gerði það að verkum að Andrea, Elías og Jón komust óhindrað inn.

Hroðalegar misþyrmingar

Þar veitt­ust þau með ofbeldi að kon­unni, slógu og spörk­uðu ítrekað í höfuð hennar og lík­ama, meðal ann­ars með leð­ur­kylfu, skelltu henni í gólfið, drógu hana á hár­inu um íbúð­ina, reyttu og klipptu eða skáru hár hennar og rifu það upp með rótum, skáru eða klipptu í hægri vísi­fingur hennar, slitu upp nögl á sama fingri, hót­uðu því að taka af henni alla fingur ef hún segði til þeirra og neyddu upp í hana fíkni­efnum.

Andrea lagði enn­fremur hníf að hálsi hennar og þrengdi önd­un­ar­veg. Elías setti fingur í kyn­færi og enda­þarf kon­unnar og kleip á milli.

Fórn­ar­lambið hlaut marg­vís­lega áverka. Meðal ann­ars heila­hrist­ing, sár og mikil eymsli við kyn­færi og enda­þarm auk áfallastreiturösk­unar.

Aðkoma Einars

Aðkoma Einars að mál­inu var alltaf óljós. Fórn­ar­lambið mun hafa hringt í Einar og beðið hann um að lægja öld­urnar í deilu hennar og Andreu. Einar tók fálega í það. Hún kvað hann hafa hótað sér en neit­aði síðan að ræða það frekar. Ljóst var að Andrea, Jón og Elías voru heima hjá Einari tveimur klukku­stundum fyrir árás­ina og einnig var hann í sam­bandi við Óttar og Elías morg­unin eftir árás­ina. Hélt hann því stað­fast­lega fram að það hefði á engan hátt tengst árásinni.

Eftir hálft ár í gæslu­varð­haldi var Einar sýkn­aður. Andrea hlaut þyngsta dóm­inn, fjög­urra og hálfs árs fang­elsi. Hún hafði staðið í deilum við fórn­ar­lambið um hríð en áður voru þær nánar.

Deil­urnar munu hafa snú­ist um síma með nekt­ar­myndum af Andreu sem hún sagði fórn­ar­lambið hafa hótað að deila, auk þess að stela af henni pen­ingum. Auk þess sagði Andrea hana hafa hótað þroska­heftri dóttur sinni. Þá hafi þær einnig deilt um mót­or­hjól sem fórn­ar­lambið hafði sótt áður, en Andrea sagð­ist hafa keypt það af fyrr­ver­andi sam­býl­is­manni fórn­ar­lambs­ins. Töluvert síðar átti raunar eftir að koma í ljós að hjólið var stolið.

Þau voru öll sýknuð af ákæru um skipu­lagða glæp­a­starf­semi en í dómnum segir að ekk­ert bendi til þess að árásin hafi verið skipu­lögð af glæpa­sam­tökum. Meðal ann­ars hafi lög­reglan haft undir höndum dag­bækur Hells Angels og þar bendi fátt sem ekk­ert til þess að tengsl hafi verið á milli Vít­isengl­anna og hinna dæmdu.

Óttar hlaut tveggja og hálfs árs dóm, Elías og Jón fengu báðir fjög­urra ára fang­elsi. Einar hót­aði lög­sókn á hendur hins opin­bera og fékk sjö og hálfa milljón í skaða­bætur í kjöl­farið.