Holl og góð fiskmáltíð á stuttum tíma – 543 krónur á mann – Saltfiskur með döðlu og möndlusmjöri

Það er mjög dýrt að versla í mat­inn og fólk er alltaf á hött­unum eftir ódýrum, hollum og góðum réttum sem hægt er að bera á borð á mat­máls­tímum. Ekki er svo verra ef mat­ar­gerðin tekur ekki mjög langan tíma. Mannlíf ætlar ekki að láta sitt eftir liggja og kemur nú með hug­mynd af hollum og góðum salt­fisk­rétt.

Hráefnin

Salt­fisk­ur­inn kom frá Norð­an­fiski fékkst fros­inn í Bónus og kost­aði 652 krónur (0,473 kg).

Íslenskt smjör 100 gr, 108 krónur

Kart­öflur 500 gr, 135 krónur

Möndlu­flögur 20 gr, 64 krónur

Döðlur þrjú stykki, 30 krónur

Gúrka, tómatar og laukur, 98 krónur

Samtals kost­aði inni­hald rétt­ar­ins 1.087 krónur eða 543 krónur á mann.

Það má nota í raun­inni það sem til er á heim­il­inu til þess að borða með rétt­inum og einnig er hægt að nota annað en döðlur og möndlur, gaman að prófa eitt­hvað nýtt og nýta það sem til er fyrir á heim­il­inu.

Aðferð

Salt­fisk­ur­inn var gufusoð­inn í Airfryer  en það má elda fisk­inn á hvaða hátt sem er. Bragðið heldur sér lang best ef fisk­ur­inn er gufusoð­inn. Það er ekki nauð­syn­legt að nota Airfryer.

Kart­öfl­urnar vorur settar í örbylgju í eld­föstu móti í fimm mín­útur, til þess að stytta eld­un­ar­tíma þeirra í ofn­inum. Síðan voru þær krydd­aðar, (þarf ekki að krydda) og velt upp úr örlít­illi olíu. Því næst skellt í ofn­inn á grill í fimm mín­útur og þeim snúið þegar tím­inn er hálfn­aður. Hér má líka nota Airfryer, kemur mjög vel út.

Íslenska smjörið sett í pott ásamt nið­ursöx­uðum döðlum og möndlu­flög­unum. Látið malla saman við með­al­hita í um það bil 7 mín­útur. Smjörinu með döðl­unum og möndl­unum er svo hellt yfir salt­fisk­inn.

Eld­un­ar­tím­inn er um 10 mín­útur en með öllum und­ir­bún­ingi tekur þetta 15 mín­útur. Verði ykkur að góðu.