Brjótandi og bramlandi ungmenni í Breiðholti – MYNDBAND – „Er hægt að hjálpa þessum börnum?“

Í gær­kvöldi var birt mynd­band af ungu fólki í Breið­holti vera möl­brjóta hlið strætó­skýlis við Selja­kirkju.

Mynd­band­inu var deilt inn í hópnum Íbúa­sam­tökin Betra Breið­holt á Facebook.

Haft var sam­band við lög­reglu, en ekki er vitað hvort það hafi tek­ist að hafa upp á ung­menn­unum.

Fólk lýsir yfir von­brigðum sínum á þessu athæfi og stingur ein upp á því hvort setja ætti upp eft­ir­lits­mynda­vélar við skýlin eins og gert sé í Kópavogi og Hafn­ar­firði.

Hafdís nokkur skrifar: „Þetta er með ein­dæmum það þarf að eyði­leggja allt. Er hægt að hjálpa þessum börnum?“

Og önnur skrifar: „Hvað er að þessum krökkum ekk­ert fær að vera í friði.“

Guð­mundur nokkur stingur upp á að haft verði upp á krökk­unum og þau látin borga fyrir við­gerð á strætó­skýl­inu.

Segist einn hafa hitt krakk­ana og sagt við þau að þetta væri ekki í lagi. Segir hann þau þá hafa sagt hann vera „kúrva mats“ með ógn­andi til­burðum.

Halldóra nokkur skrifar: „Það er eitt­hvað að þegar krakkar láta svona kannski óþarfi að nota ljót orð á þau , þeim líður eitt­hvað illa , krakkar í jafn­vægi haga sér ekki svona.“