Albönsk glæpaklíka sögð ábyrg á morðinu í Vindakórum – Harmur og reiði meðal ættinga

Mikill harmur en jafn­framt reiði er meðal vina og vanda­manna unga manns­ins sem lést af völdum áverka sem hann hlaut í hrotta­fengn­inni árás í fyrra­dag. Þetta herma heim­ildir Mannlífs en ætt­ingjar telja albanska glæpaklíku bera ábyrgð á morð­inu.

Maðurinn, sem var þrjá­tíu ára, lést síð­degis í gær á Land­spít­al­anum en degi áður fannst hann illa hald­inn fyrir utan heim­ili sitt í Vinda­kórum í Kópavogi með alvar­legan höf­uð­skaða. Ungi mað­ur­inn komst aldrei til með­vit­undar og lést í gær. Lögregla rann­sakar málið sem morð. Mannlíf greindi fyrst frá mál­inu.

RÚV greinir frá því að þrír erlendir rík­is­borg­arar hafa verið hand­teknir en sér­stak­lega er tekið fram að málið sé ekki talið tengj­ast morð­inu í Rauða­gerði. Albanskur karl­maður, Angjelin Sterkaj, hefur játað að hafa myrt Armando Bequiri, þrí­tugum fjöl­skyldu­föður sem átti rætur að rekja til Albaníu.

Margeir Sveins­son aðstoð­ar­yf­ir­lög­reglu­þjónn segir morðið í Vinda­kórum ekki tengj­ast skipu­lagðri glæp­a­starf­semi en ætt­ingar deila ekki þeirri skoðun með honum. Eftir morðið í Rauða­gerði lýstu sumir, svo sem Björn Ingi Hrafns­son, yfir áhyggjum af því að albanska maf­ían hefði hreiðrað um sig á Íslandi. Atvikið um helg­ina kann að renna stoðum undir þá kenn­ingu.