„Mikið rosalega þarf fólk alltaf að kvarta!! Undanfarna 7 mánuði hef ég sem flugmaður þurft að vera lokuð inni á hótelum á hinum ýmsu stöðum i heiminum,” segir íslenskur flugmaður í sem vinnur hjá erlendu flugfélagi í Facebook færslu. Flugmaðurinn er þungorður yfir því að fólk sé ósatt við að sæta sóttkví við komuna til landsins.
Flugmaðurinn segist hafa þurft að taka sínu viku í sóttkví í lokuðum herbergjum án þess að komast út.
„Núna síðast var ég stödd í Kína og mjög subbulegt um að litast, Kínverjarnir í fullum skrúða frá toppi til táar og gúmmíhanskarnir límdir á hvíta gallann. Tríta mann eins og við séum sjálf pestin og manni afhent klósetttöflur til að sturta niður nr. 2 svo kóvidið eyðist örugglega.
Hún segir að henni hafi eins og fanga. Hvorki hafi verið unnt að fá kaffi né te og ekki verið hægt að panta mat. „Ekki hægt að opna glugga, einhverjir bakkar með hrísgrjónum og sósum í regnbogalitum og hef ég ekki hugmynd um hvað ég var að borða.“
Hún hefur lært að vera alltaf með á sér aukabirgðir en það dugi stundum ekki til.
„Stundum tek ég mat með mér, ef ég er svo heppin að vita hvert ég sé að fara, en oft breytist áfangastaðurinn á siðustu stundu og stundum 4 sinnum a dag. En i Kóreu og Ástraliu má ekki koma með neitt inn í landið. Í Ástraliu er lögreglufylgd frá flugvellinum og vopnaðir verðir á hótelganginum, og þar er 14 daga sóttkví.
Flugmaðurinn bendir á þeir sem sæti sóttkví núna á Íslandi hafi kannski ekki átt von á þessu, en það sé faraldur í gangi. „Maður tekur sjensinn ef maður vill ferðast því reglur breytast dag frá degi.“
Hún tekur það fram að hún hafi hvorki komist heim til sín né getað fengið börnin sín í heimsókn. „En núna er ég fullbólusett og hjálpar það mikið, ástæða til bjartsýni.“
Covid-19
Fleiri smitast af hinni banvænu Nipah-veiru
Heilbrigðisyfirvöld grípa til sóttkvíar eftir Nipah-smittilfelli á Indlandi
Veira dreifist hratt um Evrópu
Sérfræðingar vara við nýjum heimsfaraldri
Suður-Súdan glímir við versta kólerufaraldurinn í 20 ár
Athugasemdir