Katrín fékk löglegt en siðlaust bréf frá Íslenskri Orkumiðlun: „Það er ekkert gefið eftir“

Katrín Bald­urs­dóttir, stjórn­mála­fræð­ingur og pistla­höf­undur, segir bréf sem hún fékk frá fyr­ir­tæk­inu Íslensk Orku­miðlun sé sið­laust og sví­virði­legt. Í bréf­inu hótar fyr­ir­tækið öllu illu ef ríf­lega þús­und króna skuld sé ekki borguð taf­ar­laust. Þetta var fimm dögum eftir eindaga. Katrín var ofan á það búin að borga þessar þús­und krónur.

Katrín deilir bréf­inu í Facebook-hópi Sós­í­alista og skrifar: „Aðgangs­harka auð­valds­ins að venju­legu fólki er sví­virði­leg. Það er ekk­ert gefið eftir. Löglegt en sið­laust. Ég er hér með dæmi sem ég lenti í sjálf. Fékk inn­heimu­við­vörun í pósti í morgun. Þetta er reikn­ingur sem var á eindaga 1.apríl (skír­dagur). Strax 6 apríl sendir þetta fyr­ir­tæki, Íslensk Orku­miðlun, mér bréf þess efnis að ég þurfi að greiða skuld­ina 1.258 kr plús 673 krónur í inn­heimtu­kostnað og ef ég borgi ekki innan 10 daga fari skuldin í inn­heimtu til Motus.“

Hún segir þessa hörku við­bjóðs­lega. „Reyndar var ég búin að greiða þennan reikn­ing en það breytir ekki því að það er við­bjóðs­legt hvernig svona fyr­ir­tæki(og þetta er fyr­ir­tæki sem græðir á auð­lind­inni okkar eða orkunni) gengur að fólki. Skoðum það.

1 Aðeins líða fimm dagar fá eindaga þegar fyr­ir­tækið sendir hót­un­ar­bréf með inn­heimtu­kost­aði sem í þessu til­felli er meira en helm­ingur af skuld­inni.

2 Strax er hótað að skuldin verði send til Motus

3 Ekki var minnt á skuld­ina áður en inn­heimtu­kostn­aður er lagður á og hörðum inn­heimtu­að­gerðum hótað.

4 Ekki er boðið upp á að semja um greiðsl­una ef fólk getur ekki borgað starx.

5 Inn­heimtu­stjór­inn sem ég tal­aði við sagði þetta lög­legt.

6 En þetta hlýtur að telj­ast algjör­leg sið­laust.

Hún minnir á að fyr­ir­tæki hafa fengið ýmsan stuðn­ing frá rík­inu meðan margir eru í veru­legum fjár­hags­vanda þessa dag­ana vegna COVID. „Það skal tekið fram að inn­heimtu­stjór­inn sagði að ég hefði ekki átt að fá bréfið(enda búin að borga) og bað afsök­unar á því. Ég benti honum þá á hvort honum finnd­ist þetta í alvör­unni sið­leg fram­koma við fólk. Hann mald­aði í móinn. Við skulum athuga að fyr­ir­tækin í land­inu hafa fengið alls konar stuðn­ing vegna Covid en almenn­ingur engan, nema kannski að draga að borga afborg­anir af lánum, en auð­vita með fullum vöxtum svo það er engin gjöf. En svo geta fyr­ir­tæki sýnt svona lít­ils­virð­andi og sið­lausa fram­komu gagn­vart fólki sem kannski er í veru­legum fjár­hags­vanda.“