Gífurlegur verðmunur á alþrifi og bóni – VERÐKÖNNUN – Allt að 132 prósenta munur

Allt að 132 pró­senta verð­mun er að finna á verði á alþrifum og bóni. Þetta kom í ljós í verð­könnun Mannlífs þar sem verð á 12 stöðvum var kannað. Munurinn reynd­ist vera á bil­inu 67 til 132 pró­sent.

Í verð­könnun vik­unnar skoð­aði Mannlíf verð á alþrifum og bóni fyrir bif­reiðar. Skoðuð voru verð á 12 stöðum sem bjóða upp á þjón­ust­una. 10 stöðv­anna eru á höf­uð­borg­ar­svæð­inu, ein í Keflavík og ein á Akureyri. Upp­lýs­ingar voru fengnar að mestu leyti á vef­síðum fyr­ir­tækj­anna en þar sem upp­lýs­inga naut ekki við á net­inu, var hringt. Þjón­ustan var mjög svipuð og í flestum til­fellum nákvæm­lega eins. Upp­gef­inn tími sem tekur að fram­kvæma alþrif og bóna var svip­aður. Ekki er inni­falið í verð­unum að bif­reiðin sé sótt og henni skilað. Ein stöð tók fram að auka 1000 krónur væru teknar fyrir mjög skítuga bíla, það var Bílaspa.

Niðurstöður

Í flokknum litlir fólks­bílar var Buddy bíla­dekur í Keflavík með lægsta verðið en Bíla­dekur með það hæsta. Munurinn á verð­inu var 67 pró­sent.

Í flokknum stórir fólks­bílar voru tvær stöðvar með lægstu verðin, Buddy bíla­dekur og Massabón. Hæsta verðið reynd­ist vera hjá Detail Reykja­vík. Munurinn á verð­inu var 70 pró­sent.

Í flokknum jepp­lingar var Höfðabón með lægsta verðið en Detail Reykja­vík með það hæsta. Munurinn á verð­inu var 92 pró­sent.

Í flokknum jeppar var Höfðabón með lægsta verðið en Detail Reykja­vík með það hæsta. Munurinn á verð­inu var 132 pró­sent.

Öll verð má sjá hér að neðan.