Heppnin var aldeilis ekki með Arnari Leó Kristinssyni í gær þegar hann gleymdi fartölvunni sinni og spjaldtölvu ofan á þaki bíls síns og keyrði af stað.
Hann var búinn að keyra drjúgan spöl þegar hann áttaði sig á gleymsku sinni, en þá voru tölvurnar á bak og burt.
Arnar er búinn að leita á svæðinu en hefur því miður ekki fundið tölvurnar og óskar því eftir hjálp.
„Ég er búinn að skrifa símanúmerið mitt í iPadinn, þannig ef að einhver opnar hann ætti viðkomandi að sjá það,“ sagði Arnar í samtalið við Mannlíf.
Hann auglýsir eftir vitnum að atvikinu eða hvort einhver hafi mögulega fundið tölvurnar hans.
Hann lagði af stað frá Leirubakka í kringum 15:00 í gær og var kominn langleiðina í Árbæinn þegar hann áttar sig á því hvað hefur gerst.
Tölvan er MacBook Pro, silfurlituð og er hún í gráu hulstri. Ipadinn er í svörtu hulstri.
Kona nokkur hafði samband við Arnar og sagðist hafa séð mann á rauðum, að hún telur Suzuki jeppa, sem hafi stoppað við gatnamót Fálkabakka og Arnarbakka og tekið upp og veifað einhverju sem líktist fartölvu.
Ef einhver er með frekari upplýsingar um atvikið er sá hinn sami beðinn um að hafa samband við Arnar í síma 777-1224.
Uppfært kl. 13:30: Arnar hafði samband við Mannlíf og lét vita að tölvurnar eru fundnar: „Takk fyrir að láta þetta inn, það hefur örugglega hjálpað.“
Athugasemdir