Kamilla Eir er sex mánaða og berst fyrir lífi sínu – Getur þú hjálpað foreldrum hennar?

Sveinn Filippus Sverr­is­son deilir á Facebook ákalli um aðstoð fyrir ungt par sem þarf að vera frá vinnu þar sem sex mán­aða gömul dóttir þeirra er alvar­lega veik. Stúlkan litla, Kamilla Eir, greind­ist með sjald­gæfan sjúk­dóm stuttu eftir fæð­ingu en fyrir á parið, Guðrún og Styrmir, tvær aðrar stelpur.

„Elsku­legu vinir okkar, Guðrún og Styrmir, eign­uð­ust fal­lega stúlku hana Kamillu Eir 12.11.2020. Stuttu eftir fæð­ingu kom í ljós að hún er með mjög sjald­gæfan efna­skiptasjúkdóm MMA. MMA (Methylmalonic acidemia) lýsir sér þannig að líkam­inn hennar Kamillu brýtur ekki niður ákveðnar amínósýrur í próteini svo þær safn­ast upp og geta valdið miklum skaða á fjölda líffæra,“ segir Sveinn.

Hann segir Kamillu nú á gjör­gæslu­deild. „Kamilla var lögð inná Barnaspítala Hrings­ins 22 apríl síðast­lið­inn og þaðan á gjörgæslu­deild þar sem hún berst fyrir lífi sínu og mun koma til með að gera það næstu vikur. Ekki er víst hvað olli þessum veik­indum en tíminn mun leiða það í ljós. Það sem upp kom var svokölluð fjölkerfa­bilun (hjarta, nýru og lungu) sem sum störfuðu illa og önnur næstum ekk­ert. Einnig er hún með 2 stað­festa vírusa (entroveiru og nóróveiru) sem gerði þessi veik­indi ennþá verri,“ segir Sveinn.

Hann segir að Guðrún og Styrmir geti lítið stundað vinnu vegna þessa og því hafi fjöl­skylda þeirra ákveðið að hefja söfnun fyrir þau.

„For­eldr­arnir munu ekki koma til með að geta stundað vinnu vegna veik­ind­anna um óákveð­inn tíma en eins og flestir vita eiga þau einnig tvær aðrar stelpur og heim­ili sem þarf að halda uppi. Til þess að létta undir með þess­ari dug­legu fjölskyldu höfum við ákveðið að fara af stað með söfnun fyrir þau. Margt smátt gerir eitt stórt og allt það. Stofn­aður hefur verið reikn­ingur í nafni Guðrúnar sem hægt er að leggja inn á til að styrkja þau á þessum erf­iða tíma:

0370-13-006303, 080296-2749.

Takk fyrir stuðn­ing­inn og ást til ykkar!“