Neytandi vikunnar – Rekur sjö manna fjölskyldu fyrir 120.000 krónur á mánuði

Neytandi vik­unnar er Heiða Jenný Vídalín Hreins­dóttir. Heiða er 37 ára öryrki, heima­vinn­andi. Hún er í sam­búð og eru sjö í heim­ili. Heiða á fimm dætur á aldr­inum 18, 14, 12, 12 og 8 ára.

Hve miklu eyðir fjöl­skyldan í mat og aðrar rekstr­ar­vörur heim­il­is­ins á mán­uði og hvar verslar hún helst ?

„Ég versla oft­ast í Bónus en fer svo í Costco til þess að versla rekstr­ar­vörur fyrir heim­ilið. Ég held að eyðslan sé um það bil 120 til 140.000 krónur á mán­uði.“

 Hvað með sparnað í mat­ar­inn­kaupum og hverju vilt þú breyta sem neyt­andi ?

„Ég versla inn fyrir vik­una, frysti mat­væli og nýti mér til­boð eins mikið og ég get. Verð versl­ana er mjög hátt yfir heild­ina litið og það mætti alveg fara niður á við, Það mætti líka veita hærri afslætti á mat­vöru í stórum ein­ingum.“

Leggur þú fyrir, og hvaða leiðir notar þú ef svo er ?

„Nei það get ég alls ekki, því miður.“

Telur þú álagn­ingu versl­ana sann­gjarna og gerir þú verð­sam­an­burð á vörum og þjón­ustu ?

 „Álagning versl­ana er síður en svo sann­gjörn og fárán­leg hjá mörgum versl­unum. Ég geri verð­sam­an­burð, ég verð að gera það með svona stóra fjöl­skyldu, hver króna máli.“

Verðtryggð lán, óverðtryggð lán eða engin lán ?

„Engin.“

Umhverfisvernd, skiptir hún þig máli ?

„Já, umhverf­is­vernd skiptir mig miklu máli og við fjöl­skyldan höfum hana alltaf í huga og leggjum okkar af mörkum.“