Sprenging hjá Stígamótum í seinni #metoo-bylgjunni

Frá því að ný #metoo-bylgja hófst hefur biðlist­inn hjá Stíga­mótum þre­fald­ast. Síðustu tvær vikur, eða frá því Mannlíf hóf umræð­una með því að opna Sölva­málið svo­kall­aða, hafa tæp­lega 100 ein­stak­lingar leitað til sam­tak­anna eftir aðstoð.Stígamót hjálpar því fólki sem hefur verið beitt kyn­ferð­is­legu ofbeldi. Fjöldi þeirra sem eru á biðlista eftir aðstoð sam­stak­anna eru 162 ein­stak­lingar, af þeim eru um 90 pró­sent konur. Oftast má finna um það bil 50 manns á biðlist­anum og hefur fjöld­inn því þre­fald­ast á síð­ustu vikum. Frá ára­mótum hafa 313 haft sam­band við Stígamót eða í kringum 50 manns á mán­uði. Frá því #metoo-bylgjan hófst hefur fjöld­inn aftur á móti tvö­fald­ast því 97 ein­stak­lingar hafa leitað til sam­tak­anna síð­ustu tvær vikur.„Þetta höfum við séð ger­ast margoft áður en kannski ekki með jafn miklum þunga og í þetta skipti. við erum að gera allt til í okkar valdi stendur til að taka þetta fólk hratt inn og veita því aðstoð,“ sagði Steinunn Gyðu- og Guð­jóns­dóttir, tals­kona Stíga­móta, í sam­tali við RÚV.