Sif var í blóma lífsins: „Það er erfitt að þú skyldir fara svona snemma frá mér“

Sif Melsteð verður jarð­sungin í dag en hún lést eftir erf­iða bar­áttu við krabba­mein, aðeins 55 ára að aldri. Hún lætur eftir sig son á ung­lings­aldri.

Sif fædd­ist í Reykja­vík 9. nóv­em­ber 1965. Hún ólst upp hjá móður sinni
og lauk stúd­ents­prófi við Kvenna­skól­ann. Þá lauk hún einnig skrif­stofu- og bók­halds­námi og starf­aði lengst við skrif­stofu- og bók­halds­störf.

Blessuð sé minn­ing Sifjar.

Þá sótti Sif ýmis tungu­mála­nám­skeið, enda átti hún afar auð­velt með að læra tungu­mál og hafði gott vald á sex málum. Hún söng í Dóm­kórnum í mörg ár og lærði einnig silf­ur­smíði.

Hún lést á líkna­deild Land­spít­al­ans 10. maí síð­ast­lið­inn.

Ungur sonur Sifjar kveður móður sína með trega­fullum orðum í minn­ing­ar­grein Morg­un­blaðs­ins í dag.

„Elsku mamma. Það er erfitt að þú skyldir fara svona snemma frá mér. Það var svo margt sem við áttum eftir að upp­lifa og gera saman. En nú þarftu ekki að berj­ast lengur við meinið, það var erfitt að sjá þig svona veika. Þinn sonur,“ segir son­ur­inn.

Kolbrún, vin­kona Sifjar, minn­ist síkátrar vin­konu sinnar í minn­ing­ar­grein. „Sif var alltaf glöð og kát því sama hvað á reyndi þá var alltaf stutt í hlát­ur­inn og kímnin. Ég á eftir að sakna hennar sárt. Oft breytt­ust sorg­ar­stund­irnar í gleði­stundir því Sif var góð í
að sjá hið bros­lega og góða. Guð blessi minn­ingu hennar,“ segir Kolbrún.

Útför Sifjar fer fram frá Dóm­kirkj­unni í Reykja­vík í dag klukkan 13.