Brynjar og Sigríður kveðja stjórnmálin eftir að hafa verið hafnað: „Skilaboðin eru skýr“

Brynj­ar Ní­els­son, þing­maður Sjálf­stæðis­flokks­ins, mun ekki þiggja sæti á lista flokks­ins eftir að lent í fimmta sæti próf­kjörs flokks­ins í Reykja­vík í gær.

Sigríður Andersen mun ekki heldur gera kröfu um sæti á list­anum eftir að hafa ekki náð að verða á meðal átta efstu í próf­kjör­inu.

Þau Sigríður og Brynjar hafa löngum verið nokkuð talin sam­stíga yst á hægri kanti Sjálf­stæði­flokks­ins.

Úrslitin hjóta að telj­ast tölu­verð von­brigði fyrir Brynjar og Sigríði sem bæði eru sitj­andi þing­menn. Reyndar má telja útkomu flestra sitj­andi þing­manna flokks­ins von­brigði fyrir við­kom­andi.

Skilaboðin skýr

Brynjar tekur undir það að hann hafi orðið fyrir von­brigðum. „En skila­boðin eru skýr. Ég get því kvatt stjórn­mál­in sátt­ur,“ seg­ir Brynj­ar við mbl.is. Hann segir bar­átt­una um efsta sætið haft þau áhrif að aðrir hafi verið útlok­aðir.

Hann seg­ir að bar­átt­an hafi verið eðli­leg og ekk­ert að henni en þetta geti gerst hjá hinum sem berj­ist um næstu sæti, að fær­ast neðar á list­ann en þeir stefndu að.

„Það verður eðli­lega og nátt­úru­lega tals­verð smöl­un við svona aðstæður og þá þarftu að ýta öðrum út. Það seg­ir sig sjálft,“ seg­ir Brynj­ar.

Geri enga kröfu um sæti

Sigríður Á. Andersen seg­ist vera þakk­lát fyrir þann stuðn­ing sem hún hafi fengið und­an­farin 15 ár.

„Maður þakk­ar auð­vitað kær­lega fyr­ir það þegar nokk­ur þús­und merkja við mann á kjör­seðli þótt það hafi ekki dugað til að ná þeim ár­angri sem að var stefnt að þessu sinni. Ég mun láta kjör­nefnd flokks­ins, sem vinn­ur úr niður­stöð­unni, vita að ég geri enga kröfu um sæti á fram­boðs­lista flokks­ins“.

„Sem fyrr verð ég til­bú­in til að leggja sjálf­stæðis­stefn­unni lið hvar og hvenær sem er. Hún sam­ein­ar íhalds­semi og frjáls­lyndi á svo fal­leg­an hátt. Ég óska Guðlaugi Þór og Áslaugu Örnu til ham­ingju með skýrt umboð til að leiða fram­boðs­lista flokks­ins í borg­inni. Diljá Mist og Hild­ur mega sömu­leiðis vera stolt­ar af ár­angr­in­um,“ skrif­ar Sig­ríður á Face­book-síðu sinni.