Karl segir ekkert að óttast -„Það var hringt í lögguna á okkur í gær en það er algjör óþarfi“

Karl James Pestka fyrrum fiðlu­leik­ari hljóm­sveit­ar­innar Árstíðir til­kynnti nýjum nágrönnum sínum á dög­unum að óþarfi væri að hræð­ast sig þó hann stæði kyrr um stund við bíl, hann væri ein­ungis að bíða eftir kis­unni sinni henni Ynju sem væri að fela sig undir bílnum. En ein­hverjum hefur greini­lega þótt hegðun Karls eitt­hvað grun­sam­leg, því um dag­inn var lög­regl­unni sigað á hann.

Karl með kis­unni sinni Ynju.

Karl skrif­aði í Facebook hóp Vest­ur­bæ­inga.

„Hæ! Við erum Kalli og Ynja og erum nýflutt í hverf­inu á Víðimel. Við höfum farið út að rölta hvern ein­asta dag síðan Ynja kom heim til okkar frá Katt­holti. Þetta gæti litið alveg skringi­lega út fyrir full­orð­inn mann og kött, en hún er svona spes kisi sem krefst labbílabb. Við erum vin­gjarn­leg og endi­lega segðu hæ ef þú rekst á okkur! Ekki vera hrædd ef ég stend og bíð eftir henni á meðan hún felur sig undir bílnum. Það var hringt í lögg­una á okkur í gær en það er algjör óþarfi, hún er ekki einu sinni með bíl­próf sko.“

Maggi nokkur skrifar við færsl­una: „Minn kisi kemur alltaf með í göngutúr þegar ég fer út með hund­inn á kvöldin…ég vona að eng­inn fari að hringja á lögg­una út af okkur…ætti ég kannski að skilja kött­inn eftir heima bara til vara?“

Svava skrifar að und­an­farið hafi tölu­vert borið á þjófn­aði í hverf­inu sem skýri kannski lög­reglu útkallið.

„Velkomin í hverfið!  Þetta var góð kynn­ing og ég vona að eng­inn sigri lögg­unni á ykkur aftur.  Fólk er svo­lítið hvekkt vegna fjölda reið­hjóla­þjón­aða og bíla­inn­brota í hverf­inu.“

Fjöl­margir hafa boðið Karli og Ynju vel­komin í hverfið og hafa einnig þó nokkrir vottað það að hér sé á ferð góður maður sem eigi þurfi að hræð­ast.

„Þið eruð yndi, bæði tvö,“ skrifar Esther.

„Ynd­is­leg­asta hverf­isná­granna­kynn­ing sem ég hef séð. Erfitt að toppa þetta,“ skrifar ein.