Þjóðin hefur beðið með öndina í hálsinum eftir fréttum af fundi ríkisstjórnarinnar sem hófst klukkan 16:00 í dag og stóð til klukkan 19:00. Fundurinn var haldinn á Hótel Valaskjálf á Egilsstöðum.
Nú hafa niðurstöður fundarins verið kynntar og taka gildi miðnætti annað kvöld og verður í gildi í þrjár vikur. Fundurinn stóð í þrjár klukkustundir en Svandís Svavarsdóttir sagði að minnisblað sóttvarnarlæknis hefði verið samþykkt í megin dráttum. Einungis er tæpur mánuður frá því að öllu var aflétt hér á landi.
Þetta eru breytingarnar
Samkomutakmarkanir verða settar á og mega nú einungis 200 manns koma saman. fjarlægðartakmörk verða einn metri. Opnunartími skemmtistaða verður styttur til 23 og síðasti maður út á miðnætti. Fjöldatakmarkanir í sund og líkamsrækt 75 prósent af leyfilegum fjölda í sundi og líkamsrækt.
Heilbrigðisráðherra sagði að það þyrfti að leggja meira fjármagn í heilbrigðiskerfið til þess að styrkja það. Hún sagði einnig að á þessum þriggja tíma fundi hefði verið skipst á skoðunum innan ríkisstjórnarinnar.
Þórólfur sóttvarnarlæknir lagði til að fjarlægðartakmörk yrðu tveir metrar í sumum tilfellum en ríkisstjórnin ákvað að einfaldara væri að hafa það bara einn metra. Ekki virðist hafa verið hlustað á Þórólf í þeim efnum að minnsta kosti.
Athugasemdir