Rándýru Omega úri Alberts rænt: „Hún er í bullandi neyslu og fjármagnar hana með þessum hætti“

Í hinum gríð­ar­lega stóra sam­fé­lags­miðla­hópi Brask og brall.is er nán­ast allt milli him­ins og jarðar til sölu og umferðin er mikil.

En ekki ganga allar sölur upp og hér er dæmi um eina slíka:

Maður að nafni Albert Elías Arason setti úr sitt til sölu á áður­nefndri síðu og var um ræða dýr­ari týpuna af úri; Omega Speedmaster Reduced.

Úr Alberts er metið á 350 þús­und krónur og þeir sem geta gefið upp­lýs­ingar um hvar það er nið­ur­komið er bent á að hringja í lög­regl­una eða Albert sjálfan í síma 777-5910.

Albert setti verð­miða upp á á 350 þús­und krónur á úrið og fljót­lega höfðu margir sýnt úri hans áhuga.

Kona ein Íslensk sló til og sagði Alberti að hún vildi kaupa úrið og sam­þykkti hann ril­boð hennar.

Konan og Albert hitt­ust til að ganga frá söl­unni, og allt leit vel út.

Í sam­talið við dv.is segir Albert frá því hvernig allt fór á versta veg fyrir hann.

Þegar áður­nefnd kona konan hitti Albert sýndi hún honum að hún væri búin að milli­færa upp­hæð­ina vegna söl­unnar á hans reikn­ing; hélt svo á brott með úrið en stuttu síðar komst Albert að því að milli­færslan hafði í raun og veru ekki gengið í gegn.

Þarna rann upp fyrir Alberti að búið var að ræna hann þessu dýra og glæsi­lega úri á ansi bíræf­inn hátt:

„Hún var með vef­síð­una hjá Arion banka í sím­anum sínum, milli­færslu­síð­una. Hún skráði í raun­inni allar upp­lýs­ing­arnar um milli­færsl­una og sýnir mér síðan eins og það sé kvittun en það er í raun­inni eitt­hvað annað. Það er eins og það sé búið að stað­festa milli­færsl­una en það er síðan ekki búið að stað­festa hana þrátt fyrir að það líti þannig út,“ sagði eðli­lega svekktur Albert, og bætir við:

„Ef fólk sér úrið mitt á sölu­síðu þá bið ég það að hafa endi­lega sam­band við mig sem allra fyrst,“ segir Albert og gefur upp síma­núm­erið 777-5910 í varar við kon­unni.

Áður­nefnda konan sem um ræðir virð­ist vera þekkt fyrir að svindla á fólki. Tölu­verður fjöldi fólks hefur haft sam­band við Albert eftir að hann sagði frá þjófn­að­inum á sam­fé­lags­miðla­síðu sinni og sagt honum sína sögu af kon­unni. Þá hafa komið nokkrar athuga­semdir þar sem fleira fólk varar við kon­unni.

„Hún er mjög þekkt fyrir þetta, úlpur, símar, úr og fleira,“ segir til að mynda í einni athuga­semd­inni og í annarri slíkri segir kona ein sína sögu af svindl­ar­anum:

„Þessi stelpa er búin að vera að þessu lengi, myndi fara og kæra þetta, það hlýtur að koma að því að hún fari inn. Hún rændi úlpu með sama hætti af mág­konu minni í fyrra, það var mikið mál fyrir mig að ná henni til baka en það gekk á end­anum! Hún er í mik­illi neyslu og svona virð­ist hún fjár­magna neysl­una sína.“

Albert er búinn að til­kynna málið til lög­reglu.