Jóna var stungin þrisvar við Varmá: „Þetta var virkilega vont”

Jónu var ekki skemmt er hún var á göngu með syni sínum við Varmá í Mos­fellsbæ í gær og vill vara aðra við.

„Ég og sonur minn vorum að labba við Varmána fyrir neðan íþrótta­húsið áðan. Hann labb­aði niður að ánni við brúna og þegar hann var á leið­inni aftur upp var hann stung­inn af ein­hverju kvik­indi og þegar ég fór til hans að hjálpa réð­ust þessi kvik­indi að mér og ég var stungin að minnsta kosti þrisvar sinnum. Þetta var virki­lega vont og erum við rauð, aum og bólgin eftir þessar stungur. Ég náði ekki að sjá hvort þetta væru geit­ungar en ég tel það lík­leg­ast. Bara svona við­vörun svo börn séu ekki að þvæl­ast þarna.“ Þetta skrifar Jóna í Facebook hóp fyrir íbúa Mos­fells­bæjar.

Hildur nokkur bendir Jónu á að hringja á bæj­ar­skrif­stof­una og láta vita af þessu atviki. „Hringdu endi­lega í 5256700 (Mos) á mánu­dag og til­kynntu þetta. Ef um jarð­geit­unga er að ræða er best að fjar­læga búið af svæð­inu.“