Costco selja eldsneytið ódýrast á Íslandi í dag sé aðildargjaldið ekki reiknað með. Bensínið selst á 212,9 krónur og dísel á 203,9. Orkan á Dalvegi fylgja fast á hæla þeirra og selja bensínið á 212,9 krónur og dísel á 206,7 krónur.
Dýrast er að taka eldsneyti hjá Olís í Vestmannaeyjum, Stykkishólmi, Hrauneyjum og Akranesi þar sem bensínlítrinn er seldur á 263,8 krónur og lítrinn af dísel er seldur á 242,3 krónur.
50,9 króna munur er á hæsta og lægsta lítraverði af bensínverði á landinu sem jafngildir 2000 krónum sé bíll með 40 lítra bensíntank fylltur einu sinni. Sá sem býr í nágrenni við Costco og tekur bensín þar vikulega getur sparað allty að 100 þúsund krónum á mánuði.
Ef afslættir vegna viðskiptavildar eru reiknaðir með verður munurinn 45,9 krónur. Svipaða sögu er að segja af lítranum af díselolíu eða alls 38,9 króna munur á hæsta og lægsta verði eða 33,4 krónur með afslætti.
Töluverður munur getur verið á hæsta og lægsta eldsneytisverði á stöðvum sama olíufélags. Til að mynda er 35,2 króna munur á bensínlítranum hjá Atlantsolíu, 41 krónu munur hjá N1, 40,2 króna munur hjá Orkunni og 15,5 króna munur hjá Olís en Olís eru að sama skapi með lang hæsta meðalverðið.
Undantekningalítið er eldsneyti dýrast á landsbyggðinni, að Akureyri undanskilinni, en ódýrasta eldsneytið má hinsvegar finna í Kópavogi, Hafnarfirði og á Sprengisandi við Bústaðaveg.
Það mætti því segja að eldsneytisverð haldist að miklu leyti í hendur við það hversu nálægt Costco þú ert þegar þú kaupir það.
Athugasemdir