Þú getur sparað 500 þúsund ef þú sækir sjálfur um – Milliliður græðir feitt

Ferða­vefir ehf. bjóða rekstr­ar­að­ilum sem skorta tíma eða þekk­ingu að sjá um umsókn­ar­ferli vegna við­spyrnu­styrkja gegn 20 pró­sent þóknun. Fram kemur að fáist ekki styrkur sé engin þóknun greidd og því sé áhættan við að leita til þeirra engin.

Fjárhæð styrks fer eftir hlut­falli tekju­falls. Lægstur er styrk­ur­inn 300.000,- á mán­uði fyrir hvert stöðu­gildi en aldrei hærri en 1,5 millj­ónir króna en hæstur hljóðar hann upp á 500.000,- fyrir hvert stöðu­gildi eða mest 2,5 millj­ónir á mán­uði. 

Ferða­vefir geta því gert kröfu á þóknun upp á allt að 500.000,- af styrk­veit­ing­unni í heild fyrir hvern mánuð sem styrkur er veittur en styrk­ur­inn er bæði skatt­skyldur og hafi lok­un­ar­styrkir verið greiddir drag­ast þeir frá. Ekki er svo tekið fram hvort Ferða­vefir leggi svo virð­is­auka­skatt ofan á þókn­un­ina.

Umsókn um við­spyrnu­styrk fer fram á skattur.is. Að inn­skrán­ingu lok­inni er umsækj­andi leiddur í gegnum ferlið, skref fyrir skref. Ferlið getur varla talist svo flókið eða tíma­frekt að aðili í rekstri fyr­ir­tækis gæti ekki á eigin spýtur eða með lið­sinni þess aðila sem ann­ast bók­hald hans lokið því á skömmum tíma.

Við­spyrnu­styrkur er úrræði stjórn­valda til að koma til móts við rekstr­ar­að­ila sem orðið hafa fyrir tekju­falli sem nemur að minnsta kosti 40 pró­senta tekju­falli í alm­an­aks­mán­uði á tíma­bil­inu frá 1. nóv­em­ber 2020 til og með 30. nóv­em­ber 2021, sam­an­borið við sama alm­an­aks­mánuð árið 2019. Markmið þeirra er að rekstr­ar­að­ilar geti við­haldið nauð­syn­legri lág­marks­starf­semi á meðan áhrifa Covid-19 far­ald­urs­ins gætir, varð­veitt við­skipta­sam­bönd og tryggt við­búnað þegar úr ræt­ist. Frestur til að skila umsóknum um við­spyrnu­styrk er til 31. des­em­ber, 2021.