SÖFNUN-Agla Björk ung hetja sem missti föður sinn 8 ára: „Yrði þakklát ef þið gætuð hjálpað mér“

Agla Björk Kristjánsdóttir var aðeins 8 ára gömul er hún missti föður sinn eftir ára­langa og hat­ramma bar­áttu við krabba­mein. Í dag er hún 13 ára og langar hana til að gefa til baka til Stuðn­ings­fé­lags Krafts sem aðstoð­aði hana mikið á meðan veik­indum föður hennar stóð.

Faðir Öglu greind­ist með krabba­mein tveimur árum áður en hún fædd­ist. Blessuð sé minn­ing hans.

Hetjan unga hefur af þessu til­efni stofnað til söfn­unar þar sem hún heitir því að raka af sér allt hárið nái hún að safna góðri summu sem rennur óskipt til styrktar félag­inu. Hárið mun Agla svo gefa til Locks of love til að útbúa hár­kollur fyrir börn sem hafa misst hárið vegna þessa ill­víga sjúk­dóms.

Agla Björk von­ast til að ná að safna að minnsta kosti hálfri milljón króna í átak­inu.

Agla Björk Krist­jáns­dóttir, 13 ára.

„Pabbi minn greind­ist með krabba­mein tveimur árum áður en ég fædd­ist. Í sama mánuði og ég fædd­ist var pabbi minn að klára lyfja­með­ferð. Pabbi barð­ist við krabba­meinið í 11 ár, með hléum. Hann lést í júlí árið 2017 þegar ég var 8 ára gömul. Stuðn­ingsfélagið Kraftur hjálpaði pabba og okkur fjölskyld­unni mikið á meðan að veik­indum hans stóð. Kraftur gaf pabba svo margt og mig langar til að gefa til baka. Þess vegna hef ég ákveðið að fara af stað með söfnun,“ segir Agla og bætir við:

Agla Björk með sitt fal­lega og síða hár.

„Ef ég næ að safna 500.000 kr. fyrir Kraft þá ætla ég að raka af mér allt hárið og gefa til sam­tak­anna Locks of love sem að munu búa til hárkollu fyrir börn sem að hafa misst hárið vegna veik­inda. Ég yrði þakklát ef þið gætuð hjálpað mér að safna fyrir þetta frábæra félag sem Kraftur er. Ég mun láta alla upp­hæð­ina sem safn­ast renna til félags­ins. Eins og pabbi sagði alltaf „margt smátt gerir eitt stórt”.“

Ef þú vilt hjálpa Öglu Björk þá getur þú lagt söfn­un­inni lið á eft­ir­far­andi reikn­ing:

Reikn­ingur: 0545-14-004255

Kennitala: 221008-4050