Hollráð snjalla netneytandans gegn þjófunum: Notaðu fyrirframgreitt kredidkort

Að versla á net­inu er orðið eins sjálf­sagt í dag og að skreppa í bíó. Ógrynnin öll af varn­ingi víðs­vegar að úr heim­inum birt­ast okkur á degi hverjum á skjám tölva okkar og snjall­tækja. Það er auð­velt að bera saman verð á net­inu og þú getur farið í margar búðir án þess að standa upp úr stólnum. Hvort sem við erum að leita að ein­hverju sér­stöku eða við smellum á eitt­hvað for­vitni­legt eins og skjáv­arpa sem passar í vas­ann, háreyð­ing­ar­krem fyrir hand­ar­bök eða gel sem gerir tenn­urnar hvítar á 6-8 dögum er stað­reyndin sú að nákvæm­lega þessar aug­lýs­ingar birt­ast ekki á skjánum þínum fyrir til­viljun. Það er hyggi­legt af okkur að átta okkur á því hvað það er sem sölu­að­ilar á net­inu nota við sína mark­aðs­setn­ingu.

Vafraðu viturlega

Sam­fé­lags­miðl­arnir safna gögnum um þig sem eru svo seld aðilum sem vinna að mark­að­setn­ingu. Þessar upp­lýs­ingar eru not­aðar til að halda að þér vörum sem þú myndir senni­lega hafa áhuga á. Vafra­kökur, svo­kall­aðar „cookies“, not­aðar milli vef­versl­anna til að finna út hvaða síður þú hefur heim­sótt og að hvaða vörum þú ert að leita. Í ofaná­lag breyta sumar vef­versl­anir verðum sínum í sam­ræmi við stað­setn­ing­una þína, vafra­sög­una þína og hvort þú ert að nota tölvu eða síma.

Þegar þú vafrar um á net­inu í leit að varn­ingi er gott ráð að gera það með hul­iðs­still­ing­una virka, t.d. Incognito eða InPri­vate browsing á ensku, eða huga að því reglu­lega að hreinsa vafra­sög­una þína og vafra­kök­urnar. Þannig safn­ast ekki fyrir þessi gögn sem vef­versl­anir nota og þannig gæt­irðu verið að spara þér pen­inga og fengið fjöl­breytt­ari leit­ar­nið­ur­stöður.

Áttu viðskiptavin? Veiddu!

Þegar þú slærð eitt­hvað inn í leit­ina á net­inu birt­ist listi af síðum en það er síður en svo handa­hófs­kennt hvernig þeim er raðað upp handa þér. Ann­ars­vegar greiða fyr­ir­tæki fyrir það að síður þeirra birt­ist ofar­lega og hins­vegar er not­ast við það sem kall­ast leit­ar­véla­bestun; upp­setn­ing á texta heima­síða sem eykur líkur á að þær endi ofar­lega í net­leit.

Bestu síð­urnar eru ekki endi­lega þær sem birt­ast efst.

Öryggi, öryggi, öryggi!

Ef það lítur út fyrir að vera of gott til að vera satt er það senni­lega of gott til að vera satt. Sumar net­versl­anir eru hrein­lega svika­síður óprútt­inna aðila sem hirða af þér pen­ing­ana.

Þegar þú ætlar svo að greiða fyrir vör­una þína eru nokkrir hlutir sem þú ættir að gaum­gæfa. Í fyrstu er mik­il­vægt að athuga hvort það sé ekki örugg­lega tákn sem sýnir læstan lás við vef­slóð­ina og hún hefj­ist á „https://“. Tákn­myndir eins og t.d. „VeriSign“ og „Verified by Visa“ gefa til kynna að það sé erf­ið­ara að kom­ast upp með að nota stolin kort og ef sláin fyrir vef­slóð­ina er græn not­ast síðan við hæstu mögu­lega dulkóðun. Ekki slá inn korta­upp­lýs­ingar nema þú sért viss um að þú treystir vef­síð­unni.

Íhugaðu að nota sér­stakt kort fyrir net­við­skipti, t.d. fyr­ir­fram­greitt kredit­kort, með tak­mörk­uðum sjóðum á. Ef svika­hrappur kemst yfir korta­upp­lýs­ing­arnar þínar hlýt­urðu lág­marks­skaða af.