Sævar Pétursson um KSÍ: „Tími þöggunar og yfirhylmingar er liðinn“

„Síðustu daga þá hefur barið á íþrótta­hreyf­ing­unni og sumir segja að tími hafi verið til kom­inn. Ég er búinn að vera partur af þess­ari hreyf­ingu í þó nokkurn tíma og það er nauð­syn­legt fyrir okkur öll sem störfum þar að staldra aðeins við, hlusta og vanda okkur með næstu skref,“ segir fram­kvæmd­ar­stjóri knatt­spyrnu­deildar KA og fyrrum knatt­spyrnu­kapp­inn Sævar Pét­urs­son í færslu á Facebook og bætir við:

„Ég hef verið gagn­rýn­inn á hvernig for­ysta KSÍ hefur höndlað málin síð­ustu daga og vikur og kannski haft mig full mikið í frammi með þá skoðun mina. Ég vil taka það fram að fullt af þessu fólki sem ég hef verið að gagn­rýna kalla ég vini mína og félaga og því er þetta ekki auð­velt mál; þarna inni er mikið af topp­fólki sem hefur verið að vinna af heil­indum og af góðum hug. Þegar við gerum mis­tök þá verðum við að þora að rétta upp hönd, við­ur­kenna þau mis­tök, sýna auð­mýkt og læra svo af mis­tök­unum. Annars komumst við lítið áfram.

Tími breyt­inga er sann­ar­lega kom­inn og það þarf að finna gott fólk til þess að stýra íþrótta­hreyf­ing­unni í þeim stormi sem geysar í dag.“

Sævar er ekki viss um að „fólk bíði í röðum með að bjóða sig fram í þá sjálf­boða­vinnu, en vanda þarf vel til, enda mikið verk að end­ur­heimta það traust sem íþrótta­hreyf­ingin á að hafa hjá sam­fé­lag­inu,“ segir Sævar og bætir við:

„Þrátt fyrir að ég hafi verið gagn­rýn­inn á for­yst­una og hvernig hún höndl­aði þessi mál þá vil ég hafa það alveg á hreinu að ég stend ekki fyrir skít­kasti á ein­stak­linga eða fjöl­skyldu­með­limi stjórn­ar­manna og í raun og veru for­dæmi ég slíka umræðu á allan hátt. Ég trúi því að fólk hafi verið að reyna að gera sitt besta.“

Og bætir við:

„Mistök voru gerð, og fólk hefur axlað ábyrgð. Þörf er á hug­ar­fars­breyt­ingu, tími þögg­unar og ein­hvers konar yfir­hylm­ingar er lið­inn. Íþrótta­hreyf­ingin í heild sinni, ekki bara KSÍ, þarf að fara í alvara­lega nafla­skoðun, sýna auð­mýkt og heið­ar­leika ásamt því að læra af þeim mis­tökum sem hafa verið gerð, án þess komumst við lítið áfram. Ég vona inni­lega að það verði raunin, við lærum af þessu og allt starf innan íþrótta­hreyf­ing­ar­innar verði betra til lengri tíma.“