Magnús Björn Ásgrímsson biður stjórn KSÍ afsökunar: „Ekki séð jafn mikið eftir neinni ákvörðun“

Formaður knatt­spyrnu­deildar Leiknis Fáskrúðs­firði sendir stjórn KSÍ afsök­un­ar­beiðni. Sér hann eftir að hafa skrifað undir áskorun um afsögn.

Málefni KSÍ hafa verið mikið í fjöl­miðlum und­an­farnar vikur en stjórn KSÍ sagði af sér í kjöl­far ásak­ana um þöggun um ofbeldis og kyn­ferð­is­brota­málum lands­liðs­manna. Aust­ur­frétt segir frá því í frétt í dag að Magnús Björn Ásgríms­son, for­maður knatt­spyrnu­deildar Leiknis Fáskrúðs­firði hafi skrifað afsök­un­ar­beiðni til stjórnar KSÍ, á Facebook síðu sinni. Ástæða afsök­un­ar­beiðn­innar er sú að í síðstu viku sendu stjórn­ar­for­menn níu liða í neðri deildum íslensku knatt­spyrn­unnar, bréf til stjórnar KSÍ og hvöttu til þess að hún segði af sér. Í því bréfi stóð meðal ann­ars „Orðspor íslenskrar knatt­spyrnu er stór­lega skaðað og því þarf taf­ar­laust að boða til þings og móta við­brögð til fram­tíðar sem nýtur trausts allra aðild­ar­fé­laga og íslensks sam­fé­lags.“

Í afsök­un­ar­bréfi Magnúsar Björns skrifar hann „Kæru stjórn­ar­menn, Langar að biðja ykkur afsök­unar á að hafa sett mitt nafn (og UMF Leiknis) undir bréf ,,neðri­deild­ar­fé­laga” með kröfu um auka­þing sam­bands­ins.“ Þá heldur hann áfram og segir „þar hjó sá er hlífa skyldi. Ég held að ég hafi ekki séð jafn mikið eftir neinni ákvörðun á þeim tæpa ald­ar­fjórð­ungi sem ég hef starfað fyrir UMF Leikni.“ Magnús Björn þakkar svo stjórn­inni fyrir ómet­an­legt fram­lag þeirra til íslenskrar knatt­spyrnu og vonar að þau bjóði sig aftur fram til stjórn­ar­setu á næsta auka­fundi KSÍ.