Guðni forseti sér eftir því að hafa notað orðið fáviti: „Ég bið allt fólk sem ég særði afsökunar“

Forseti Íslands, Guðni TH Jóhann­es­son, segir í Facebook-færslu að hann biðj­ist „afsök­unar á að hafa í sjón­varps­við­tali í síð­ustu viku notað orðið fáviti í umræðu um við­kvæm og erfið mál og tekið almennt of sterkt til orða. Það gerði engum gott, allra síst mér. Afsök­unin er skil­yrð­is­laus. Ég mun ekki nota orðið aftur í þessu sam­hengi þótt það hafi verið gert með þessum hætti í fræðslu í grunn­skólum lands­ins. Það getur kannski átt við þar en alls ekki af minni hálfu. Ég sé svo sann­ar­lega eftir því og ítreka að ég bið allt það fólk, sem ég særði, afsök­unar.“

Guðni segir að „þau orð, sem ég birti fyrir viku á þessum vett­vangi, voru þessi: Umræða að und­an­förnu um ofbeldi og áreitni, þöggun og með­virkni, hefur verið þörf. Hún er hluti af stærri umræðu sem staðið hefur síð­ustu miss­eri og sýnir að við þurfum enn að gera mun betur í því hvernig sam­fé­lagið tekur á þessum málum. Það er nauð­syn­legt að þolendur upp­lifi öryggi til að stíga fram, segja frá og leita réttar síns. Þau, sem verða fyrir ofbeldi eða áreitni, eiga ekki að þurfa að þola skömm eða afneitun.“

Hann bætir við:

„Í opnun umræð­unnar fel­ast tæki­færi til að gera betur og hlúa að íþrótta­starf­inu þannig að jafn­ræði og gagn­kvæm virð­ing sé leið­ar­ljós. Sjálfur hef ég verið við­loð­andi íþróttir frá barn­æsku og er annt um hreyf­ing­una. Ég hef kynnst fjöl­mörgum leik­mönnum, þjálf­urum og stjórn­ar­fólki í heimi íþrótt­anna og veit að þar starfa flestir af heil­indum.“

Guðni segir þó að „margt má betur fara og við skulum vinna saman að því. Sama gildir um heim menn­ingar og lista, stjórn­mála og stjórn­sýslu, fjöl­miðla og skóla – alla kima sam­fé­lags­ins þar sem metoo-bylt­ingin hefur svipt hulu af áreitni og ofbeldi. Við þurfum rétt­læti, sann­girni og við­ur­lög við lög­brotum en líka umræðu, fræðslu og leiðir til að leyfa fólki að bæta ráð sitt, sýni það iðrun og eft­ir­sjá.“