Árni öskureiður við Dominos: „Verðug áminning að versla ekki aftur við þetta vesæla fyrirtæki”

Árni nokkur skrifar færslu inn í Facebook hópnum Sögur af dóna­legum við­skipta­vinum. Er hann væg­ast sagt óánægður með Dominos pít­sa­stað­inn.

„Hér er saga um við­skipta­vin sem lenti í leið­in­legri upp­á­komu í kvöld við að panta pizzu frá dom­inos.“ Þannig hefst reiði­lest­ur­inn. Sagðist Árni hafa tekið eftir því strax þegar hann tók við pít­s­unni að hún væri létt­ari en hefð­bundin pítsa. „Þegar ég opn­aði kassan blasti við mér þessi vesæla Pizza með engum ost nán­ast og skortur á deigi.“ Segir Árni að stundum skeði skítur. „Ég skil það , ég heyri í þeim aftur og bið um nýja pizzu vin­sam­leg­ast, allt í góðu,“

Önnur pítsa kom fljót­lega en sam­kvæmt Árna var hún eins og sú fyrri en þó með örlít­illi við­bót. „Hún er jafn létt og jafn aum­ingja­leg og hin, en með smá við­bót sem virð­ist vera nef­hár.“ Eftir að hafa potað í meint nef­hár telur hann sig geta stað­fest að um slíkt hár sé að ræða. „Nú er ég orð­inn frekar pirr­aður, segi þeim að ég sé búinn að missa mat­ar­lyst­ina og ætli ekki að fá aðra pizzu frá þeim.“ Árni segir að stuttu seinna hafi starfs­maður Dominos hringt í hann. „Stuttu síðar hringir hroka­fullur starfs­maður þeirra, hann við­ur­kennir að það hafi verið óvart notað medium deig á fyrrum pizzuna en ekki hina „því hún er með kantolíu““

Þegar þarna er komið við sögu er farið að hitna í kol­unum. „Næst tjáir hann mér að hann telji þetta ekki vera nef­hár og að hann hafi oft séð svona áður.“ Árni heldur áfram. „Ég sem fyrrum vakt­stjóri á dom­inos og sem 28 ára maður hef oft pantað mér pizzur á lífs­leið­inni hef aldrei fyrr en nú séð neitt svona slíkt svo ég ætla ekki að líða þetta bull frá þessum þöng­ul­haus.“ Segist Árna þá hafa sagt við starfs­mann­inn að hann nennti ekki að þræta við hann og kvaddi. „Hann hélt áfram að grípa fram í svo ég skellti á hann.“

Að lokum seg­ist Árni vera sama um 3.000 kr. sem hann missti. „Þetta er verðug áminn­ing að ekki stunda við­skipti við þetta vesæla fyr­ir­tæki og ég hvet ykkur öll til að gera það sama.“