Farsæl björgun við Akurey: „Það sem fór fram í gærkvöldi var sannarlega lífbjörgun“.

„Svarta­myrkur, versn­andi veður, stað­setn­ing vituð en þarf samt að taka með fyr­ir­vara. Þannig voru skil­yrðin við upp­haf útkalls gær­kvölds­ins,“ skrifar Jón Helgi Elínar Kjartans á Facebook-síðu sinni í dag.
Jón Helgi var einn björg­un­ar­sveita­mann­ana sem björg­uðu fjór­menn­ingum af skeri í gær eftir að slöngu­bátur þeirra strand­aði á skeri sunnan við Akurey.
Þegar björg­un­ar­sveita­menn komu á vett­vang sáu þeir að þrír mann­anna voru komnir í sjó­inn til þess að halda við bát­inn því veðrið var orðið mjög slæmt.
Jón segir þá hafa áttað sig á því að á þessu skerjótta svæði í vonsku veðri yrði þetta ekki auð­velt verk­efni.
„Eftir tvær mis­heppn­aðar til­raunir til að kasta línu á milli mætti á vett­vang jet-ski á okkar vegum sem gat tekið við lín­unni og komið henni á milli á sama tíma og hægt var að stilla bátnum þannig upp að það væri hag­stæð­ast með til­liti til vind­áttar og skerja á svæð­inu. Færslan gekk vel og tókum við stímið út úr grynn­ing­unum og á sama tíma fór jet-skiið í það að ferja menn­ina sem þá voru komnir um borð í bát­inn aftur, yfir til okkar þar sem við gátum hlúð að þeim inni í heitu stýr­is­hús­inu.‘‘ segir Jón en það reynd­ist ekki vera endir­inn á björg­un­inni.

Festing gaf sig

„Svo gott sem á sama tíma og síð­ustu menn­irnir voru að stíga um borð í Sjöfn, harð­botna bát­inn sem við vorum á, gaf sig fest­ing á bátnum sem var í togi og línan á milli losn­aði sem þýddi að bát­ur­inn var aftur vél­ar­vana á reki og nú með björg­un­ar­mann inn­an­borðs sem hafði fært sig á milli til að búa til pláss á jet-ski­inu fyrir skjól­stæð­inga okkar.  Á slíkri stundu munar miklu um að allir á vett­vangi séu sam­hæfðir og hægt sé að taka ákvörðun hratt.“
Jet skiið sem enn var á staðnum náði sem betur fer bátnum í tog og biðu sjúkra­bílar eftir þeim er í land var komið.

„Það er engum blöðum um það að fletta að það sem fór fram í gær­kvöldi var sann­ar­lega líf­björgun,“ segir Jón en rekur hann einnig sam­skipti sem björg­un­ar­sveita­menn höfðu á meðan þessu stóð. Stöðugar upp­lýs­ingar voru gefnar til Aðgerða­stjórnar björg­un­ar­sveita, vakt­stöðvar Land­helg­is­gæslu auk þess að óska eftir aðhlynn­ingu fyrir menn­ina í landi.

„Útkallið í gær fer svo án efa í minn­inga bank­ann sem eitt af þeim eft­ir­minni­legri, ekki síst fyrir þær sakir að þetta var mitt 200. útkall fyrir Björg­un­ar­sveitin Ársæll.“Segir Jón að lokum en ljóst er að gríð­ar­legur hetju­skapur hafi átt sér stað þessa nótt.