Í september árið 1988 var Alda Rafnsdóttir – fædd 1963 – myrt á heimili sínu í Kópavogi.
Alda hafði farið kvöldið örlagaríka á dansleik þar sem hún hitti fyrir Guðmund Sveinbjörnsson, fæddur 1967.
Eftir að dansleiknum lauk fóru Guðmundur og Alda saman á heimili hennar; hún bjó ein með sjö ára gömlum syni sínum og við hlið foreldra sinna.
Dagurinn var búinn að vera langur og strangur en sjö ára sonur Öldu hafði átt afmæli fyrr um daginn.
Guðmundur og Alda fóru fljótlega eftir komuna á heimili Öldu og inn í herbergi hennar, en þar svaf sonur hennar þungum svefni í öðru rúmi.
Í svefnherberginu fór síðan allt á versta veg. Svo virðist sem Alda hafi neitað að láta að vilja Guðmundar og í kjölfarið reiddist hann mjög; greip harkalega um háls hennar og herti að.
Fljótlega missti Alda meðvitund og var hreyfingarlaus í rúminu. Þá náði Guðmundur í hníf úr eldhúsinu og stakk Öldu þrisvar í kviðinn.
Þriðja hnífsstungan fór í gegnum kviðarhol Öldu og varð henni að bana.
Sjö ára gamall sonur Öldu vaknaði ekki við átökin á milli Guðmundar og móður sinnar. Í kjölfarið yfirgaf Guðmundur síðan íbúðina eftir hinn hræðilega verknað. Hann endaði þó á því að taka leigubíl á lögreglustöðina í Kópavogi þar sem hann sagði frá því sem gerst hafði; leysti frá skjóðunni og tók afleiðingum gjörða sinna.
Í janúar árið 1989 var svo Guðmundur dæmdur til fjórtán ára fangelsisvistar af sakadómi Reykjavíkur.
Athugasemdir