Örtröð víða vegna Ferðagjafarinnar í gær: Flestar ávísanir hafa verið notaðar á N1

Fram kom í hádeg­is­fréttum RÚV í dag að flestir hefðu nýtt Ferða­gjöf stjórn­valda á veit­inga­stöðum, eða um helm­ingur þeirra sem nýttu hana.

Ferða­gjöfin rann út á mið­nætti og í gær­kvöld mynd­að­ist örtröð víða við veit­inga­staði og bens­ín­dælur.

Á mið­viku­dag­inn, þegar síð­ustu tölur voru upp­færðar, áttu enn rúm 32 þús­und eftir að leysa út Ferða­gjöf­ina. Þá voru það þessir staðir sem tekið höfðu við hæstu upp­hæð­unum í formi ferða­á­vís­ana:

1. N1 – Þjón­ustu­mið­stöð
2. Olíuverzlun Íslands ehf.
3. Sky Lagoon ehf.
4. KFC ehf.
5. Flug­leiða­hótel hf. (Icelandair Hotels)
6. Tix Miðasala ehf.
7. Flyover Iceland ehf.
8. Pizza-Pizza ehf.
9. Hlölla­bátar
10. Icelandair ehf.

Sigmar Vil­hjálms­son, eig­andi Hlölla­báta, Barion og Mini­garðs­ins, sagði að bið­röð hefði mynd­ast alla leið út á götu fyrir utan staði hans í gær­kvöld, en alls leystu 2.250 manns út sína ferða­á­vísun á stöð­unum eða á net­inu í gær. Sigmar bauð við­skipta­vinum að kaupa 9000 króna gjafa­bréf, 3000 krónur á hvern stað­anna þriggja, fyrir 5000 króna Ferða­gjöf­ina. Með því gat fólk fengið gjafa­bréfið á um það bil 55 pró­senta afslætti.