Laus gegn tryggingu til 16. október, hvað svo?

Mál knatt­spyrnu­kappans Gylfa Þórs Sig­urðs­sonar hefur vart farið fram hjá neinum, enda óhætt að segja að ásak­anir á hendur fót­bolta­hetj­unnar hafi verið þjóð­inni allri sem reið­ar­slag.

Gylfi hefur verið einn af fremstu fót­bolta­mönnum Íslands um ára­bil og sann­kölluð þjóð­ar­hetja. Mannlíf fór yfir glæsi­legan feril Gylfa nú í sumar.

Gylfi handtekinn

Það var í júlí sem fregnir bár­ust af því að Gylfi hafði verið hand­tek­inn vegna kyn­ferð­is­brots og sam­kvæmt lög­reglu er rann­sókn enn í gangi.

Fyrstu fréttir sem bár­ust af mál­inu voru á þá leið að leik­maður ensku úr­vals­deild­ar­innar hafi verið hand­tek­inn grun­aður um kyn­ferðis­brot gegn ólög­ráða ein­stak­lingi.

Ekki var greint frá því hver umræddur leik­maður væri og var Mannlíf fyrsti fjöl­mið­ill í heimi til að nafn­greina hvaða knatt­spyrnu­maður væri þarna á ferð.

Hjónabandið í molum?

Um tíma gengu háværar sögur um að hjóna­band Gylfa Þórs og Alexöndru Helgu Ívars­dóttur héngi á blá­þræði, en parið gifti sig með pompi og prakt við Como-vatn á Ítalíu árið 2019.
Í maí á þessu ári eign­uð­ust hjónin svo saman dótt­ur­ina, Melrós Míu, en Alex­andra hefur rætt opin­skátt um þá erf­ið­leika sem þau hjónin gengu í gegnum við að reyna eign­ast barn. Sagði Alex­andra frá því í ein­lægu við­tali við Frétta­blaðið í byrjun júlí, að þau væru búin að reyna í fimm ár.
Alex­andra ákvað að opna sig um bar­átt­una við ófrjó­semi til að veita öðrum í sömu stöðu von og styrk.

Í sam­tali við Mannlíf þvertók faðir Alexöndru að þau hjónin væru að skilja.

„Ég get fylli­lega borið þetta til baka. Það er ekk­ert svo­leiðis í gangi. Þú getur haft það eftir mér að þau eru ekki að skilja,“ sagði Ívar faðir Alexöndru við blaða­mann Mannlífs.

Nýtur stuðnings fjölskyldunnar

Þá greindi Mannlíf frá því í sumar að nán­asta fjöl­skylda Gylfa væri komin til Englands, og Gylfi var sagður vera kom­inn með hóp lög­fræð­inga til að verja sig. Mannlíf náði tali af móður Gylfa í, en hún vildi ekki tjá sig um málið.

Laus gegn tryggingu til 16. október, hvað svo?

Ekkert hefur heyrst frá Gylfa síðan hann var hand­tek­inn, en hann er laus gegn trygg­ingu til 16. októ­ber næst­kom­andi.
Hvort málið verði tekið fyrir hjá dóm­ara fyrir þann dag, eða verði leyst utan dóm­stóla er ekki vitað.