Enskir fjölmiðlar greina frá því að leikmaður ensku úrvalsdeildarinnar hafi verið handtekinn grunaður um kynferðisbrot gegn ólögráða einstaklingi. Fjölmiðlar ytra hafa ekki nafngreint leikmanninn. en segja hann 31 árs gamlan og giftan.
Leikmaðurinn var handtekinn síðasta föstudag af lögreglunni í Manchester áður en honum var síðan sleppt gegn tryggingu.
Daily Mail hefur það þá eftir talsmanni liðs hans, sem fjölmiðill segir heldur ekki hvert er, að leikmaðurinn hafi verið leystur frá störfum á meðan lögregla rannsakar málið. Hann er í byrjunarliði liðsins og The Mirror segir hann einnig reyndan landsliðsmann í sínu heimalandi. The Sun fjallar einnig um málið en nafngreinir leikmanninn ekki. Miðillinn hefur það þó eftir heimildarmanni sínum að lögregla hafi leitað á heimili mannsins og gert nokkra hluti þar upptæka.
Síðustu daga hefur borið á ásökunum á hendur fótboltakappanum og landsliðsmanninum Gylfa Þór Sigurðssyni á öllum helstu samfélagsmiðlum, þar er því haldið fram að hann hafi verið að senda ungri stúlku eða stúlkum ósiðsamleg skilaboð. Tekið skal fram að um óstaðfestan orðróm að ræða og eru þetta meintar ásakanir, fremur en nokkuð annað, að minnsta kosti eins og málin standa núna.
Á vefsíðunni citigist.com er stórt spurt í grein sem fjallar um Gylfa Sigurðsson knattspyrnukappa, sem giftur er Alexöndru Helgu Ívarsdóttir, sem eytt hefur Instagram aðgangi sínum.
Spurningin, fyrirsögnin, í greininni er svohljóðandi: „Is Gylfi Sigurdsson Arrested? Wife Rumours – He Is Not In Jail Or Prison.“
Vefmiðillinn Newsfinale.com fjallar einnig um málið. Þar er minnst á að fólk haldi því fram að Gylfi hafi verið handtekinn í gær, 17. júlí.
Á Reddit er fólk að velta fyrir sér meintum ásökunum á hendur Gylfa sem virðast vera komnar víða um veraldarvefinn.
Á Twitter er spurt um það hvort mögulegt sé að Gylfi hafi verið að senda ólögráða stúlku eða stúlkum óviðeigandi skilaboð.
Á Twitter reikningi Gylfa segja margir sem fylgja honum þar að hann hafi verið handtekinn í gær.
Á samfélagsmiðlinum TikTok fjallar Kieran Jones, um orðróminn og meintu ásakanirnar á hendur Gylfa. Myndbandið má sjá hér að neðan. Kieran tekur fram að ekkert staðfest sé um að Gylfi hafi verið handtekinn af lögreglu.
Hvort fréttir ensku miðlanna eða slúðursögur síðustu daga hafi nokkuð að gera með Gylfa Þór er algjörlega óstaðfest en síðustu daga hefur það hvergi fengist staðfest né hrakið. Mannlíf mun áfram fjalla um málið ef staðfestar upplýsingar berast eða útskýringar á þessu uppþoti á samfélagsmiðlum.
Athugasemdir