Páll Matthíasson forstjóri Landspítalans hættir: „Spítalinn aldrei öflugri en nú“

Páll mun ljúka störfum þann 11. októ­ber næst­kom­andi, en í til­kynn­ingu frá heil­brigð­is­ráðu­neyt­inu kemur fram að Svandís Svav­ars­dóttir heil­brigð­is­ráð­herra hafi orðið við ósk Páls um að hætta:

„Guðlaug Rakel Guð­jóns­dóttir, fram­kvæmda­stjóri með­ferð­ar­sviðs Land­spít­ala, mun að beiðni ráð­herra taka við stöðu for­stjóra tíma­bundið til ára­móta, þar til skipað hefur verið í emb­ættið að nýju. Páll mun verða nýjum for­stjóra innan handar næstu mán­uði.“

Páll hefur gegnt starfi for­stjóra Land­spít­ala í 8 ár.

Fram kemur einnig í til­kynn­ung­unni að Guðlaug Rakel Guð­jóns­dóttir, fram­kvæmda­stjóri með­ferð­ar­sviðs Land­spít­ala, mun að beiðni ráð­herra taka við stöðu for­stjóra tíma­bundið til ára­móta.

Svandís þakkar Páli fyrir sam­starfið:

„Land­spít­ali er risa­vax­inn vinnu­staður þar sem feng­ist er við öll flókn­ustu verk­efnin sem á reynir í heil­brigð­is­þjón­ustu við lands­menn. Það er gríð­ar­mikið verk­efni að stjórna þessum spít­ala við venju­legar aðstæður, hvað þá við ein­hverjar erf­ið­ustu aðstæður sem hugs­ast getur eins og í heims­far­aldri.“

Þá er haft er eftir Páli að þakk­læti sé honum efst í huga á tíma­mót­unum:

„Spít­al­inn hefur aldrei verið öfl­ugri en nú með skýra heil­brigð­is­stefnu og reynsl­una af bar­átt­unni við heims­far­aldur í fartesk­inu. Framundan eru áskor­anir á næstu árum, sam­fara gríð­ar­legri upp­bygg­ingu sem þarf að hald­ast í hendur við trygga mönnun. Á þessum tíma­punkti tel ég því við­eig­andi að nýr for­stjóri taki við stjórn spít­al­ans,“ segir Páll.