Þjóðin hafnar karlalandsliðinu – Aðeins þriðjungur miða á leikinn í kvöld seldur

Núna rétt áðan höfðu aðeins um 2.000 miðar selst á leik­inn við Armeníu á Laug­ar­dals­velli í kvöld, í und­ankeppni HM.

Einhver gæti sagt að nú væri öldin heldur betur önnur. Yfir­leitt hefur verið barist, nán­ast sleg­ist, um miða þegar karla­lands­liðið spil­aði á Laug­ar­dals­velli.

Miðað við að 2000 miðar séu seldir þá eru um 4.000 miðar því enn í boði fyrir fólk sem vill skella sér í Laug­ar­dal­inn í kvöld að sjá ungt lands­lið Íslands mæta stór­stjörn­unni Henrikh Mkhitar­yan og félögum í armenska lið­inu.

Á gull­ald­ar­tíma­bili lands­liðs­ins, undir stjórn Lars Lagerback og Heimis Hall­gríms­sonar, var Laug­ar­dals­völlur alltaf stút­fullur og góð stemn­ing mynd­að­ist sem hjálp­aði án efa til með að ná góðum úrslitum.

Má á það benda að á árunum 2013-2017 lék Ísland 16 heima­leiki í röð án þess taps og tryggði sér sæti í loka­keppni bæði EM 2016 og HM 2018.

Í dag er staðan sú að for­maður KSÍ sagði af sér sem og öll stjórn sam­bands­ins eftir ásak­anir um ofbeldi lands­liðs­manna. Stuðn­ingur við lands­liðið hefur minnkað eftir allar ásak­an­irnar og við­brögð KSÍ.