Lára læknir fær á baukinn fyrir bakþanka: „Vill hún fá klapp á bakið fyrir?“

Pistill sem Lára G. Sig­urð­ar­dóttir læknir skrifar í Frétta­blaðið í dag hefur vakið við­brögð og verið gagn­rýndur. Á Twitter veltir kona að nafni Inga því fyrir sér hver til­gangur pistils­ins sé.
„Hvað er pointið með þessum bak­þönkum? Að end­ur­taka það sem kom fram í Kveik? Vill hún fá klapp á bakið fyrir að henda nammi­pok­anum en ekki kærast­anum?“

Í pistl­inum sem Lára skrifar segir hún frá mat­ar­venjum sínum þegar hún var 17 ára gömul. Kærast­inn, sem í dag er eig­in­maður hennar, hafi sagt henni að hún hefði fitnað á þessum tíma.

Lára segir frá þróun offitu á eyj­unni Nárú í Kyrra­hafi. Þá lýsir hún því hvernig holda­far íbú­anna breytt­ist er þeir tóku upp nýjar mat­ar­venjur.

„Íbúar eyj­unnar voru við eðli­legt holda­far á meðan þeir nærð­ust á fiski, ávöxtum og græn­meti. Þegar þeir öðl­uð­ust sjálf­stæði árið 1968 urðu þeir skyndi­lega ríkir af fos­fat-námu­vinnslu. Þeir þurftu ekki lengur að veiða fisk og rækta græn­meti og fóru að flytja inn unnar vest­rænar mat­vörur. Með hinum nýju lífs­háttum urðu þeir feitasta þjóð jarð­ríkis,“ segir Lára.

„Samkvæmt Alþjóða­heil­brigðis­mála­stofn­un­inni eru of feit börn í auk­inni hættu á að deyja um aldur fram og grein­ast með hjarta­sjúk­dóm, heila­blóð­fall, krabba­mein og syk­ur­sýki. Hægt er að afstýra þessu en þá þarf bæði nán­asta umhverfi og sam­fé­lagið í heild að vinna saman með því að bæta aðgengi að sál­fræð­ingum, heilsu­sam­legum mat og gera lík­ams­rækt aðgengi­legri.“

Þá bætir hún við að vel sé hægt að laga þetta vanda­mál.

„Í betri heimi myndu skóla­sál­fræð­ingar grípa börnin áður en þau verða of feit því and­legir erf­ið­leikar geta hæg­lega steypt þeim í víta­hring mat­ar­fíknar.“

Pistill Láru læknis hefur valdið tals­verðu fjaðrafoki á sam­fé­lags­miðlum. Það er ekki bara Inga sem hneyksl­ast, því það gerir Tara Margrét Vil­hjálms­dóttir, for­maður Samtaka um lík­ams­virð­ingu, einnig. „Þetta er akkúrat hættan á bak við svona þætti og frétta­skýr­ingar og offitu. Alveg sama hvað það var oft tekið fram að offita sé flókið sam­spil margra þátta t.d. félags­legra er þetta teik flestra; „bOrÐa mInnA nAmMi“. Spáið í því að hafa nógu sterka skoðun til að skrifa skoð­anapistil en hafa ekk­ert annað á bak við sig en eigin for­dóma,“ segir Tara.

Pistil Láru má lesa í heild sinni hér.