Þorgeir rétt slapp frá unglingi á vespu í Grafarholti:„Eftir sátu slasaður einstaklingur og hundur“

Þorgeir nokkur skrif­aði færslu í Facebook-hópnum Ég er íbúi í Graf­ar­holti sem vakti reiði hóp­með­lima.

„Mig langar að vekja athygli á því að for­eldrar brýni fyrir krökk­unum sínum sem eiga vespur lág­marks­tillits­semi á göngu­stígum.“ Þannig byrjar færslan. Þorgeir hélt svo áfram. „Lentum í því fjöl­skyldan að ein­stak­lingur (á grunn­skóla­aldri) á vespu keyrði á milli tveggja mann­eskja sem voru í 1/2 metra fjar­lægð á fullum hraða og dró með sér fjöl­skyldu­hund­inn áður en vespan sleit taum­inn.“

Segir hann að ein­stak­ling­ur­inn hafi vel tekið eftir þessu en að hann hafi haldið áfram á fullum hraða, fram hjá Krónunni og upp Þús­öld­ina. „Eftir sátu slas­aður ein­stak­lingur og hundur.“ Vonar Þorgeir að þetta sé ein­stakt til­felli.

Við­brögðin létu ekki á sér standa en skipt­ist fólk á að setja reiði­kall, þumal og grát­kall við færsl­una og nokkrir tjáðu sig.

Piotr segir að þetta sé því miður ekki ein­stakt til­felli og virð­ist reiður. Jósa spyr hvort það sé í lagi með grey hund­inn og Pálmey kemur með annað dæmi. „Lenti í svip­uðu í fyrra­dag en slapp með skrekk­inn, náði taumnum og hund­inum en við­kom­andi brun­aði í burtu. Þetta er að verða dag­legt brauð á göngu­stíg­unum hér í Holtinu og ekki eru full­orðnir hjól­reiða­menn skárri.“