„Galleríið heldur Sýninguna“ – Samsýning 20 ólíkra myndlistarmanna í gömlu kartöflugeymslunum

Mynd: Miðstöð Hönnunar og Arki­tekt­úrs

Gunnella Ólafs­dóttir og Laufey Jens­dóttir  sýn­ing­ar­stjórar settu saman áhuga­verða sam­sýn­ingu 20 ólíkra mynd­list­ar­manna sem allir tengj­ast Gall­er­í­inu á Skóla­vörðu­stíg 20.  Sýning Gall­er­ís­ins er fyrsta sýn­ingin sem haldin er í sér­hönn­uðum sýn­ing­ar­sal í hús­næði sem flestir þekkja sem gömlu kart­öflu­geymsl­urnar í Ártúns­brekku og er sýn­ing­ar­sal­ur­inn að aust­an­verðu við boga­bygg­ing­arnar og tengir þær saman.

Gall­er­íið var opnað á haust­dögum 2019 og hefur lagt upp með að skapa sér sér­stöðu með fram­boði verka ólíkra mynd­list­ar­manna og hefur síðan fengið góðar und­ir­tektir. Innan raða þeirra er bæði að finna vel þekkta lista­menn sem hafa náð langt á sínum ferli og einnig lista­menn af nýrri kyn­slóð sem hafa vakið verð­skuld­aða athygli fyrir sína list strax í upp­hafi fer­ils síns. Sýningin sam­anstendur því af fjöl­breyttum list­formum: þar verða olíu­mál­verk, vatns­lita­verk, grafík, ljós­myndir, skúlp­t­úrar, prent­verk og hönnun.

Markmið Gall­er­ís­ins með sýn­ing­unni er að útvíkka sýni­leika Gall­er­ís­ins og gefa þeim

Mynd: Gallerý Skóla­vörðu­stíg 20

mynd­list­ar­mönnum sem eru í sam­starfi við það eft­ir­tekt­ar­vert tæki­færi til auk­innar kynn­ingar með ferskum stór­við­burði í sögu­frægu hús­næði. 

Verkin eru lang­flest unnin sér­stak­lega fyrir Sýn­ing­una og lagði sýn­ing­ar­stjórn upp með að verkin væru í stærri kant­inum þar sem sýn­ing­ar­rýmið býður upp á það.  

Hver mynd­list­ar­maður fékk fullt frelsi til sinnar sköp­unar og mun því fjöl­breyti­leik­inn vera ein­kenn­andi á Sýn­ing­unni.  Titill sýn­ing­ar­innar er ein­fald­lega „Sýningin“ sem sýnir bæði húmor­íska skírskotun í ein­fald­leik­inn og segir allt sem segja þarf þegar gall­erí tekur sig til og heldur mynd­list­ar­sýn­ingu.  Það er einnig sam­svörun í heiti Gall­er­ís­ins – ein­fald­lega „Gall­er­íið heldur Sýn­ing­una.“

Sýn­ing­ar­sal­ur­inn í kart­öflu­geymsl­unum var upp­haf­lega reistur í Hval­firði sem sprengju­geymsla fyrir her­skip Banda­ríkja­manna í síð­ari heims­styrj­öld­inni en eftir stríð var hún flutt á núver­andi stað og nýtt sem kart­öflu­geymsla í ára­tugi. Bygg­ingin hefur nú verið end­ur­byggð frá grunni og byggt hefur verið við hana en fram­hlið hús­anna heldur sér.

„Það er mikil áskorun og vinna að koma upp svo stórri sýn­ingu margra, ólíkra mynd­list­ar­manna en þetta er ein­stak­lega áhuga­vert sýn­ing­ar­hús­næði sem býður upp á marga mögu­leika,“ segir Gunnella okkur en „það ríkir mikil til­hlökkun í hópnum yfir að fá tæki­færi til að taka á móti gestum sýn­ing­ar­vik­una 23.-31. októ­ber.“

Sýningin verður opnuð laug­ar­dag­inn 23. októ­ber, kl. 14-18 og verða léttar veit­ingar á boðstólum.

Sýningin verður síðan opin milli kl. 12-18 alla daga til og með 31. októ­ber.  

Facebook:   Gall­er­íið 

Sýnendur eru:

Árný Björk Birg­is­dóttir 

Charlotta María Hauks­dóttir 

Erna Jóns­dóttir 

Gunnella 

Harry Bilson

Íris Auður Jóns­dóttir

Jón Baldur Hlíðberg

Jón Þor­steins­son frá Ljár­skógum

Karl Jóhann Jónsson 

Kristín Hálf­dán­ar­dóttir

Krist­jana S. Williams

Kolbrún Frið­riks­dóttir

Laddi

Laufey Jens­dóttir

Margrét Erla Júl­í­us­dóttir

Margrét Laxness

Óskar Thoraren­sen

Sara Vilbergs

Tinna Royal

Vilborg Gunn­laugs­dóttir