Fengu Evrópuverðlaunin fyrir nýsköpun í kennslu: „þátttaka í alþjóðlegum þróunarverkefnum mikilvæg“

Arna Björk og skólateymið á þjón­ustu­mið­stöð­inni eru him­in­lif­andi með verð­launin.

„Okkar hlut­verk á þjón­ustu­mið­stöð­inni var að útfæra hug­mynd­ina frekar, búa til ítar­lega umsókn, kostn­að­ar­á­ætlun og ná sam­starfi við hina skól­ana. Svo héldum við utan um fjár­magnið sem verk­efn­inu fylgdi og bárum fag­lega ábyrgð, en það voru gerðar ríkar kröfur um fag­lega vinnu.“

Verk­efnið var sam­starfs­verk­efni grunn- og fram­halds­skóla frá þremur löndum; Danmörku, Finn­landi og Íslandi. Það var hlut­verk Þjón­ustu­mið­stöðvar Vest­ur­bæjar, Mið­borgar og Hlíða að stýra því í nánu sam­starfi við Kvenna­skól­ann í Reykja­vík og Landa­kots­skóla.

Arna Björk Birg­is­dóttir, sál­fræð­ingur og deild­ar­stjóri fjöl­skyldu­mála hjá þjón­ustu­mið­stöð­inni, hefur unnið að verk­efn­inu frá árinu 2017, þegar Ingi­björg Jóhanns­dóttir, skóla­stjóri Landa­kots­skóla, kom á fund hennar með hug­mynd að verk­efn­inu.

Ná fram sjón­ar­miðum nem­enda
Lagt var upp með að þróa leiðir til að ná fram sjón­ar­miðum nem­enda og brjóta upp eldri kennslu­að­ferðir. Meðal ann­ars voru haldnir rýni­hópar og kann­anir lagðar fyrir nem­endur, í því miði að ná til sem flestra nem­enda. Var mark­miðið að þeir fengju sterk­ari rödd í eigin námi. Þótti nálg­unin bæði fersk og nýstár­leg og henta nýrri kyn­slóð nem­enda.

Arna segir „að mínu mati er þátt­taka í svona stórum og alþjóð­legum þró­un­ar­verk­efnum afar mik­il­væg upp á starfs­þróun og starfs­á­nægju. Það er gott fyrir okkur sem störfum í skóla­þjón­ustu að kynn­ast því hvernig málum er háttað í öðrum löndum og líka miðla af okkar reynslu. Við getum lært svo mikið hvert af öðru, myndað sam­starfs­brýr inn­an­lands og utan og kynnst nýju fólki, sem von­andi er til góðs fyrir nem­endur okkar.“

Hægt er að fræð­ast meira um verk­efnið hér.