Flugfélagið PLAY bætir við sig áfangastöðum næsta sumar og býður upp á flug til Mallorca og Malaga á Spáni. Þá verða áfangastaðir PLAY orðnir sex. Hefur PLAY þegar boðið upp á flug til Barcelona, Tenerife, Gran Canaria og Alicante en allt eru það vinsælir ferðamannastaðir.
Flogið verður til nýju áfangastaðanna einu sinni í viku. Á miðvikudögum til Palma á Mallorca og á sunnudögum til Malaga.
Báðir staðirnir hafa upp á margt að bjóða og er Malaga sólríkasta borg Spánar auk þess að vera heimabær Picasso.
Á Mallorca geta allir fundið einhvað við sitt hæfi. Þar er fallegur arkitektúr, fjörugt skemmtanalíf, veðurblíða og náttúrufegurð.
„Það er óhætt að segja að Íslendingar njóti sín vel á Spáni en frá því PLAY hóf miðasölu varð strax gríðarleg eftirspurn eftir farmiðum til Spánar. Við finnum einnig vel fyrir áhuga Spánverja á að koma til Íslands. Nýju áfangastaðirnir gefa þeim eldri ekkert eftir enda eru þetta sannkallaðar paradísarborgir og við hlökkum til að fljúga sólþyrstum Íslendingum á nýja staði,“ sagði Birgir Jónsson, forstjóri PLAY, um nýja áfangastaði flugfélagsins
Athugasemdir